GMN TV Capital MNEK organiza selebrasaun tinan mate Dom Martinho-Nicolau Lobato

MNEK organiza selebrasaun tinan mate Dom Martinho-Nicolau Lobato

0 views

Prezidente Repúblika (PR), Francisco Guterres ‘Lú Olo’ orienta Ministériu Negosiu Estranjeiru no Kooperasaun (MNEK) ho Ministériu relevante, atu iha tinan ida ne’e organiza selebrasaun tinan 100 Dom Martinho da Costa Lopes no mós selebrasaun tinan 40 saudozu Nicolau Lobato ninia mate.

“Ha’u mai halo enkontru ho PR aktualiza servisu relasaun externa, liu-liu saida maka MNEK hala’o durante fulan 1 ou 2 nia laran no ho aktividade sira ne’ebé PR husu para MNEK bele halo, prepara no organiza ida maka kona-bá atu halo selebrasaun 100 anus Dom Martinho Lopes (loron mate Dom Martinho Lopes –red) ne’ebé ninia restu mortais sei lori hikas mai Timor-Leste iha tinan ida ne’e, pontu seluk maka kona-bá selebrasaun 40 anus saudozu Prezidente Nicolau Lobato ninia loron mate,” Ministru Negosiu Estranjeiru no Kooperasaun, Aurelio Guterres ba jornalista sira hafoin remata enkontru ho PR hodi informa servisu externa MNEK ninian, iha Palasiu Prezidensial, Bairo Píte, Díli, Kinta (15-02-2018).

Nia esplika, tanba ne’e PR husu ba MNEK bele hala’o ona preparasaun ba asuntu, koordena ho relevante, ne’ebé orsida ami sei relata fali asuntu sira ne’e iha Konsellu Ministru, liu-liu ligasaun ho buat balun ne’ebé que tenki ser koordena ho Ministériu relevante sira para atu hala’o.

“Restu mortais Dom Martinho da Costa Lopes ninian sei lori husi Portugal, ita sei trata para lori hikas mai Timor-Leste iha tinan ida ne’e, karik sei lori mai iha loron nasional sira ne’e,” haktuir Aurelio Guterres.

Nia akresenta, ho enkontru ne’e, PR fó ona instrusaun para MNEK entra ninia kontaktu ho rai liur, liu-liu Portugal para haree hela asuntu Dom Martinho Lopes ninian ne’e.

“Kona-bá Prezidente Nicolau Lobato ninian, hanesan ohin (15/2) ha’u dehan iha tinan ida ne’e mós sei halo komemorasaun 40 anus, sé bele karik ita aproveita tempu ne’e atu koordena oinsa maka atu selebra mós 40 anus Nicolau Lobato ninian,” hatutan MNEK ne’e.

Nia informa, TL sei kontinua kontaktu Indonesia oinsa kontinua buka hatene hatene restu mortais saudozu Nicolau Lobato haloot iha ne’ebé no tenta buka mós labarik sira ne’ebé maka tropas Indonesia sira lori sai husi Timor iha decade fins decade 70.

“Kona-bá selebrasaun tinan 40 saudozu Prezidente Nicolau Lobato mate ne’e ita sei enkontru hodi deskuti ho Gabinete PR atu haree di-diak bainhira maka atu komemora 40 anus ne’e, mais agora dau-dauk PR fó orientasaun ona, para ba oin oinsa maka bele halo preparasaun kona-bá asuntu ida ne’e,” relata Aurelio Guterres.

Entretantu paradeiru restu mortais saudozu Nicolau Lobato ninian to’o agora seidauk hatene, maibé TL ho Indonesia kontinua kontaktu alende buka hatene paradeiru saudozu Prezidente Nicolau Lobato ninia restu mortais, tenta buka mós restus mortais saudozu sira seluk ninian. ves


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker