GMN TV Capital Reitor Maior Salesiano, ''TL buras ho karisma Salesiano

Reitor Maior Salesiano, ''TL buras ho karisma Salesiano

0 views

Reitor Maior Salesiano, Ángel Fernandes Artime, rekoñese, Timor-Leste buras ho karisma Salesiano Dom Bosco, tanba rezultadu misionáriu Salesiano iha Timor­Leste (TL) buras teb-tebes.

“Buat ne’ebé furak liu maka rai Timor ne’e buras liu karisma Salesiano, sira ne’ebé to’o uluk iha ninia rezultadu ne’ebé furak, ita haree família Salesiana buras tebes, tanba imi hotu ne’ebé akolha misinariu sira ho fuan ne’ebé nakonu ho domin, ne’e duni furak teb-tebes, tanba ita hotu bele hamutuk atu servi ba ita nia oan sira ba bendita rai ida ne’e ninian,” hateten Susesór Dom Bosco ne’e liu husi ninia omilia iha misa selebrasaun loron Dom Bosco, iha igreza Maria Auxiliadora, Comoro, Díli, Kuarta (31-01-2018).

Nia hatutan, ne’e duni tenki harohan ba ida ne’e, tanba sarani hotu ne’ebé halo ninia kamiñada ba moris ne’ebé diak, tanba ne’e furak tebes atu sarani sira servisu hamutuk.

“Horiseik (30/1) lorokraik mós ita halo misa iha igreza ida ne’e ha’u senti kontenti teb-tebes, tanba igreza ida ne’e nakonu ho joven, hanesan mós ho ohin (31/1) komunidade hotu-hotu no imi adultu sira, tanba joven sira halo sira nia kamiñada tuir imi adultu ou inan aman nia ain fatin,” dehan Padre Ángel Fernandes Artime.

Reitor Maior Salesiano ne’e akresenta, Dom Bosco senti kontenti teb-tebes, tanba haree sarani Timor hotu haksolok no festeza ninia loron, tanba sarani hotu-hotu asumi servisu ida ne’ebé nia hala’o ona no kontinua to’o ohin loron.

“Agradese ba Na’i Maromak ne’ebé haraik ona Dom Bosco ba igreza, sosiedade no mundu no agradese mós são João Paulo II ne’ebé proklama ona Dom Bosco nuudar aman no mestri ba foin sa’e sira, hodi joven sira koalia barak kona-bá sira nia esperansa no sira nia futuru iha rai ida ne’e,” nia hatutan.

Dom Bosco santo ida ne’ebé prepara joven sira no labarik sira atu hala’o ninia knaar no ninia dever iha sira nia moris no ba futuru ne’ebé diak, eduka joven sira atu sira bele hetan futuru ida ne’ebé diak iha sidade Turin. Dom la’os halo de’it servisu sosial, maibé Dom Bosco lori joven sira no labarik besik Na’i Maromak hodi koñese diak liu tan Na’i Maromak.

Misa refere hetan partisipasaun husi antigus alunus sira, Prezidente Repúblika, Francisco Guterres ‘Lú Olo’ ho ninia espoza, Eis Prezidente Taur Matan Ruak ho ninia espoza, Major Jeneral Lere Anan Timur, Komisariu Juli Hornay no membru Governu no Parlamentu Nasional no entidades relizioju sira.

Entretantu selebrasaun loron Dom Bosco ne’e la’o ho hakmatek no hetan seguransa máximu husi Polisia Nasional Timor-Leste (PNTL).

Ángel Fernández Artime moris iha loron 21 Agustu 1960, hanesan Padre Katolíku Roma husi Salesiana Dom Bosco, eleitu sai Reitor Maior Salesiano iha loron 24 Maiu 2014. ves


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker