GMN TV Capital ACCCTL selebra loron Imlek iha TL

ACCCTL selebra loron Imlek iha TL

0 views

Komunidade Xinés sira iha mundu tomak inklui mós iha Timor-Leste (TL) selebra loron Imlek ka Tinan foun tuir tradisaun no kultura Xina nian iha Tersa (5/2/19). Assosiação Comercial da Comunidade de Chinesa Timor-Leste (ACCCTL), hala’o selebrasaun ba loron Imlek ka tinan foun ne’e ho festa konviviu, iha ne’ebé iha tinan ida ne’e ho Shio Fahi.

Komemorasaun loron Imlek ne’e la’os deit komunidade Xinés mesak selebra maibé inklui mós Budista sira. Tanba selebrasaun Imlek ne’e konsidera hanesan festa kultura komunidade Tionghoa ne’ebé hala’o kada tinan.

Prezidente ACCCTL, Katheleen Gonçalves, hateten, iha loron 5 fulan Fevereiru, komunidade Xinés iha mundu tomak, inklui Timor-Leste halo selebrasaun loron Imlek ka tinan foun tuir tradisaun no kultura Xina nian.
“Tinan-tinan komunidade Xinés sempre halo selebrasaun loron Imlek ou tinan foun, tuir kultura Xinés ni’an. Tinan ida ne’e naran Xio-Fahi, ne’ebé tinan ida ne’e sei fó sorte no susesu barak ba komunidade Xina no Timor-oan rasik, inklui lideransa sira”, hateten Katheleen Gonçalves ba GMN iha salaun Luz Clarita Bairo dos Grilhos, Díli, Sabadu (02/02/19).
Katheleen haktuir, seremónia importante ba Xina iha tinan ida ne’e, ACCTL hala’o uluk liu iha loron rua fulan Fevereiru, tanba loron lima monu iha loron servisu.
“Tuir kalendáriu Estadu Timor-Leste, tanba ne’e ACCCTL halibur hamutuk no realiza komemorasaun loron Imlek ne’e ho konvíviu no seremónia konfraternizasaun hamutuk”, relata Katheleen.
Nune’e mós reprezentante Primeiru Ministru, Taur Matan Ruak, Sekretáriu Estadu Komunikasaun Sosiál, Mericio Akara, lori Primeiru Ministru no Governu tomak nia naran, hato’o parabens no agradese ba komunidade Xinés iha Timor-Leste, no husu nafatin ba ACCCTL atu kontinua mantein halo investimentu hodi kontribui ba dezenvolvimentu nasionál.
Alende ne’e, Sekretáriu Estadu Arte no Kultura, Teofilho Caldas, ne’ebé partisipa iha eventu ne’e mós hateten, Governu la halo diskriminasaun ba kualker kultura, maibé Governu prontu fó apoiu ba kultura hotu hodi hametin unidade no paz.
Partisipa iha seremonia ne’e alénde Sekretariu Estadu Komunikasaun Sosiál ho Sekretariu Estadu Arte Kultura, marka mos prezensa husi Ministru Transporte no Komunikasaun, Embaixadór Xina iha Timor-Leste, ho família bo’ot komunidade Xinés iha Timor-Leste.aba


Banner

Foto

Notisia Ikus

Ramos Horta: Papa Francisco kontente TL nia desizaun implementa DFU

May 19, 2022
Prezidente Repúblika (PR) eleitu, José Ramos H...

PR Lú Olo promulga OJE Retifikativu 2022

May 19, 2022
Prezidente Repúblika (PR), Francisco Guterres L...

Despede Lú Olo, PM Taur prontu servisu hamutuk ho PR eleitu

May 19, 2022
Primeiru Ministru (PM), Taur Matan Ruak, ho jest...

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...
1 2 3 728

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker