GMN TV Capital JICA halo promosaun ba foos u’ut ho variasaun

JICA halo promosaun ba foos u’ut ho variasaun

0 views

Japan International Cooperation Agency (JICA) iha Timor-Leste, halo promosaun produtu lokal hanesan, foos u’ut ba dosi ho variasaun hodi fa’an iha merkadu atu povu bele konsumu.

Reprezentante JICA iha Timor-Leste, Hideaki Matsumoto, hateten, objetivu husi promosaun produtu lokal ho demonstrasaun tein fo’os u’ut ne’e, atu hatudu ba partisipante públiku kona ba, oinsa mak atu dezenvolve valor addisionál husi foos rai.

“Foos ne’e hanesan industria ida ne’ebé mak bo’ot iha Timor-Leste, agora dadaun liu husi ami nia projetu ne’e, ami halo promosaun ba foos rai, entaun eventu ida ohin ne’e, oinsa mak atu prosesa foos ne’e ba fali produtu seluk hanesan, halo dosi, eskrim no seluk tan”, relata Hideaki ba Jornalista sira iha Salaun ETDA Fatuhada Díli, Sesta (15/02/2019).

Hideaki haktuir, dadaun ne’e, sira implementa ona projetu ne’e iha Maliana no Manatuto, hodi ajuda agrikultor sira hasae produsaun, koelleta, no oinsa mak atu prosesa haree ne’e sai foos, nune’e mos sai foos u’ut.

“Projetu ne’e hahú iha tinan 2016, no agora tinan rua ho balun ona, signifika sei iha tinan rua ba tan oin. Tanba ne’e ami nia planu ba oin, oinsa mak ajuda agrikultor sira hasa’e produsaun, depois habelar konsumu foos rai ne’e ba iha públiku atu nune’e, ema barak liu tan bele konsumu foos rai ne’e, tanba dezenvolvimentu industrial ne’e, importante tebes ba nasaun Timor-Leste, tanba ne’e mak JICA sempre ajuda iha área ida ne’e”, reasla reprezentante JICA ne’e.

Alende ne’e, tuir Ministru Agrikultura no Peskas (MAP), Joaquim Gusmão akresenta, JICA ho MAP hala’o kooperasaun desde tinan 2006, atu bele implementa projetu rendimentu hadia uma kain agrikultores natar nian, iha área irigasaun rua hanesan, Maliana no Bulutu Vemase nian.

Joaquin esklarese, husi implementasaun tinan rua ne’ebé la’o ona agro komersiu servisu hamutuk ho JICA, ne’ebé fó apoiu promove natar irigasaun rua ne’e ba merkadu, supermekadu, restorante no hotel.
“Ita haree katak, ohin ne’e, sai hanesan eventu importante ida, ita haree katak, foos ikis ne’e la’os para fó han manu, maibé ita bele tranforma ba sai hanesan farinha, ne’ebé mak bele halo ba bolu, bolinhus, ida ne’e mak hanesan valor di’ak ida mak ita bele aproveita liu husi foos ne’ebé mak la uza ona, bele transforma buat ne’e uza ba buat oin-oin, tanba ne’e ba oin ema hotu tenki apredne kona ba oinsa halo produtu lokal sai ba hahan ho variedade ka oin-oin”, katak Joaquim.oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker