Komunidade Aldeia Terus Nain, Suku Vila Verde, Postu Administrativu Vera Cruz, Munisipiu Dili, tenke konsumu be’e mota, tanba impkatu husi udan hodi hamosu mota bo’ot estragus kanalizasaun be’e mos kotu.
Realidade ne’e, akontese iha area mota Maloa no komunidade sira tenki uza ba nesesidade lor-loron kuru bé mota hodi hemu ba tein, haris no fase ropa.
“Kuru bé mota ne’e tanba udan bo’ot estragus tiha kanu bé mós nian entaun ami tenke bé iha mota laran ne’e hodi hemu, tein sé la haló sé ami la uja ba hemu ami ba buka bé iha ne’ebe,” deklara, Casmiro Fernandes Komunidade Aldeia Terus Nain ba JNDiario iha Mota Maloa, Kinta (21/02/2019).
Nune’e, Casmiro rekomenda ba ministeriu kompetente atu urjenti hadia lalais kanu bé mos ne’ebe mak estragus husi mota durante udan bo’ot iha loron rua liuba.
Iha fatin hanesan, Xefe Aldeia Terus Nain Alarico Rodrigues de Jesus fo sasin katak maioria komunidade lá asesu ba bé mos tanba kanalizasaun bé mos hetan estragus iha mota laran to’o oras ne’e sedauk hadia.
“To’o agora dadauk maioria komunidade lá asesu ba bé mos no komunidade aldeia ida ne’e sira uja deit bé mota laran deit no funsionariu balun husi SAS nian mai observa tiha ona mos sedauk halo buat ruma,” dehan, Xefe Aldeia Terus Nain Alarico Rodrigues de Jesus.
Nune’e, Alarico aprofunda liutan katak nudar autoridade lokal ejiji ba parte kompetente atu hadia lalais tanba prejudika ba estudante sira no funsionario no komunidade sira hotu.
Entretantu, Bendungan Bé hodi bele normaliza volume Bé konstrui iha tempu indonezia hetan mos estragus husi mota. Nune’e Xefe Aldeia Lemorana Suku Dare Alicia da Costa, husu ba Governu hadia lalais hodi la fó impaktu ba komunidade ne’ebe hela besik mota.
“Uluk bendungan ne’e sei diak ema lao bá lao mai diak maske udan no mota bo’ot no 2018 – 2019 dalan át total lao lá diak,” Xefe Aldeia Lemorana fo sasin.
Etretantu mota refere sai ameasa ba komunidade atu halo sirkulasaun bá mai tanba lá iha ponte. Eus
