Adjuntu Autoridade Munisípiu Díli, José Filipe Ximenes Smith, hatete iha tempu badak autoridade munsipiu Díli, sei haruka karta no hasai okupante sira ne’ebé mak hela iha eis AsPol (Asrama Polisi-tempu Indonézia) iha Ministériu Solidaridad Sosiál no Inkluzaun (MSSI) nia kotuk.
“Iha tempu badak ita sei hasai okupante ne’ebé mak halo negósiu no hela iha área ASPOL Ministériu Solidaridade Sosiál no Inkluzaun (MSSI) Caicoli nia kotuk ne’e. Ita hetene katak, okupante sira ne’e simu ona kompesasaun husi Governu iha tinan 2009”, hatete Adjuntu autoridade munisípiu Díli, José Filipe Ximenes Smith, ba JNDiário iha Xanana Sport Center, Segunda ne’e. Hafoin remata seminariu konaba provokasaun institusionál ba programa asaun komunidade ba saneamentu hijiene.
Adjuntu autoridade munisípiu Díli, ne’e esplika atu hasa’i okupante hirak ne’e autoridade munisípiu Díli, sei koopera hamutuk Ministériu Solidaridade Sosiál no Inkluzaun Ministériu Obras Publikas (MOP) no mós Polisia Nasional Timor-Leste (PNTL) atu buka fatin no kria kondisaun ba okupante sira ne’e.
“Okupante sira ne’e sei la hetan kompesasaun no laiha tan razaun, wanhira Governu deside halo mamuk fatin refere”, hatete José Filipe Ximenes Smith.
Smith hatete tan ba okupante sira ne’ebé mak halo ona uma mutin ne’ebé metin iha fatin refere, lalika hanoin atu husu tan buat ruma ba Estadu, tamba Estadu fó ona kompesasaun ba sira iha tinan 2009 liubá.
Planu atu hasai okupante sira ASPOL nee hahu kedas iha Governu Aliansa Maioria Parlamentar 2009, maibe to’o ohin loron governu seidauk hasai. Tos
