GMN TV Capital EDTL halo inspesaun ba konsumidór uza ahi ilegál

EDTL halo inspesaun ba konsumidór uza ahi ilegál

0 views

Ekipa Inspesaun Eletrisidade Timor-Leste (EDTL) halo inspesaun ba komunidade ne’ebé uza ahi ilegál inklui re-instala kontadór no troka kontadór konsumidór nian ne’ebé a’at.

“Ami halo inspesaun ne’e kontinuasaun hosi tinan 2017 nian, tanba iha tinan 2018 inspesaun para iha dalan klaran tanba laiha kontadór, maibé tanba kontadór foin tama hamutuk 11.400 ami kontinua fali inspesaun”,dehan Xefe Inspesaun Kontadór EDTL, Domingos da Costa, ba JN-, Segunda(10/02/2020) iha Kamea Díli.

Xefe inspesaun informa, inspesaun ne’e programa governu nian. Tinan-tinan governu fó kontratu ba kompañia JET elektór ne’ebé manan projeitu hodi halo inpesaun no re-instalasaun ba kontadór, EDTL mai atu akompañia ho sira nia servisu tuir duni regulamentu ne’ebé Estadu fó .

“Ohin depois inspesaun no re-instalasaun kontentór konsumidor  sira iha Suku Kamea Postu-Administrativu Cristo-Rei, ami identifika iha familia uma kain hamutuk 6 mak uza ahi-ilegál, maibé sira fó razaun katak sira kbi’it la to’o atu hola pulsa eletrisidade. Iha lei eletrisidade artigu 13 alinea A to’o F koalia konaba, kontribuisaun komsumidór ne’ebé uza ona eletrisidade tenke selu”,afirma Domingos da Costa.

Nia haktuir, konaba família kbi’it laek ne’ebé kbi’it la to’o sira tenke ba trata dokumentu iha Ministériu Solidariedade Sosiál no Inkluzaun (MSSI), hodi responde ba sira nia ejijensia.

“Ba konsumidór sira ne’ebé identifika uza ahi-ilegál sira selu multa kiik mak dolar amerikanu 350 no bo’ot mak  dolar amerikanu rihun 15, maibé tanba EDTL halo hela inspesaun lor-loron, nune’e konsumidór ne’ebé liga ahi dereita komesa iha ona konsiensia”, tenik nia.

Entaun ba konsumidór família uma kain 6, ne’ebé ohin ami hetan uza ahi ilegál  sira tenke selu taxa ba Estadu 36 dolar, maibé kuandu sira la selu aki sei hamate direita ahi hodi hein to’o sira selu hotu ami liga fali.Fel


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker