GMN TV Capital Iha tempu kuarezma, Dom Virgílio: Sarani sira tenke kumpri dalan tolu

Iha tempu kuarezma, Dom Virgílio: Sarani sira tenke kumpri dalan tolu

0 views

ArseBispu Díoseze Díli,  Dom Virgílio do  Carmo da Silva SDB, hatete, dalan importante tolu ne’ebé sarani Katólika hotu,  tenke banati no kumpri mak orasaun, ezmola no jezún, hodi refleta ba realidade moris, no hakbesik-an ba Maromak.

“Sasán rikusoin hotu, buat ne’ebé ita bolu provizóriu, nune’e mós ohin ita kontente, tanba hetan susesu no aban susesu ne’e ema seluk ninian, evanjellu hanorin ita, dalan tolu ne’ebé esensial  atu iha kuarezma ne’e ita ida-idak buka  kumpri ho neon ho laran, ha’u  halo atu ema haree, ha’u halo tanba ha’u  presiza”, haklaken Dom Virgílio bainhira prezide misa Kuarta feira sinza iha Igreja Katedral Díli, (26/02/2020).

Dom Virgílio afirma, dalan tolu importante mak esmola, orasaun, no jezún, buat hirak ne’e serve lori ema hotu hatene lolos realidade moris nian, orasaun liga ema ho Maromak, karidade liga ho maluk no belun sira, jezún mak ho aan rasik.

“Ne’e  duni buat hirak ne’e atu halo, hodi hadomi liu Maromak, hadomi maun alin, no hadomi ita-nia aan rasik, Maromak, ema seluk, no ha’u nia aan rasik, ne’eduni  kuarezma ne’e konvida ita atu haree ba iha ida ne’ebé, hatene  hateke ba iha leten a’as ho  orasaun, nune’e liberta ita husi hanoin hakraik nian, ne’ebé dala barak ita hotu preokupa, iha ne’ebé dala barak mós ita laiha tempu ba Maromak, tanba hanoin kona-bá liberdade nian”, salienta Dom. Virgilio.

Dom Virgílio afirma, kuarezma mós konvida sarani katólika sira atu hateke ba Maromak, liu husi orasaun, hafoin hateke ba ema seluk hodi halo karidade, no ikus mak konvida ema sira atu hateke ba aan, moris dalaruma fasil hateke  ba leten no  ba ema seluk, maibé hateke ba aan rasik la brani atu hasoru aan rasik, konfronta aan, atu hadia no rekonese aan rasik.

“Nune’e ho jezún tulun ha’u no ita atu liberta aan, hakarak  halibur sasan ba aan deit, wainhira ita preokupa demais sasan sira mundu nian, halo ita nia fuan toos ita-nia fuan malirin hasoru ema seluk, no mós hasoru interese ema seluk nian, ne’e maluk doben sira orasaun, karidade, jezún mak investimentu ida ne’ebé dura ba nafatin”, tenik líder másimu Dioseze Díli ne’e.

PR Lú Olo: Kuarezma tempu reflesaun

Prezidente Repúblika (PR), Francisco Guterres Lú Olo, hateten, loron kuarezma hanesan tempu ba ema hotu  atu halo reflesaun, hodi hakbesik aan ba Maromak.

Hafoin partisipa misa loron Sinza, ne’ebé hanesan loron dahuluk  iha tempu kuarezma, Xefe Estadu ne’e haktuir, loron kuarezma loron ne’ebé lori sarani katólika tomak  atu hakbesik aan ba Maromak.

“Ita hotu  ohin tuir misa  Sinza ninian, hodi ita hotu bele hahú halo reflesaun fila-fali ba ita-nia aan hanesan sarani  ne’ebé iha relasaun ho Nai Maromak iha tempu ida ne’e dadauk, para hanoin hikas fali ba ita aan rasik no ba ita-nia  moris rasik”, hateten Xefe Estadu ne’e ba Jornalista sira, hafoin partisipa misa Kuarta-Feira Sinza  iha IGreja Katedral Díli, (26/02/2020).

Enkuantu bainhira jornalista tenta husu kona-ba  asuntu polítiku, liga ba karta demisaun Primeiru Ministru nian ne’ebé entrega ona ba Xefe Estadu, maibé ema númeru um iha Timor-leste ne’e rezeita atu fó komentériu.

Misa Kuarta feira Sinza ne’e, prezide husi ArceBispu Dioseze Díli, Dom Virgílio do Carmo da Silva SDB, ho hetan partisipasaun másimu husi sarani Katólika ne’ebé partensia ba parokia ne’e.oly  

 


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker