Padre Ruben Martines, Dominikanu,husu ba sarani sira, atu halo jejun iha tempu kuarezma, hodi hametin fiar iha família.
“Ohin kuarta-feira sinzas uma kreda katóliku hahú tempu kuarezma atu sarani sira haraik-an no husu deskulpa ba maromak tan nia hahalok a’at, tamba tempu kuarezma ne’e atu prepara an ba paskoa ,tuir Jesus nia hanorin ba sarani sira durante tempu kuarezma ne’e atu hametin fiar no harohan ba maromak no halo esmola ,loke ita nia fuan ba ema kiak sira ,fahe riku soin ba ema ne’ebé kbi’it laek nu’udar sinal ida domin ba Jesus nian mai ita ba sira no ba ita nia maun alin sira no konsidera halo buat diak ba ema seluk ,inklui halo Jejum atu hanoin katak,maromak terus iha loron 40 nia la han no hemu nunee ita mós halo Jejum hodi hatudu ba Jesus hanesan sinal domin ba jesus.importante liu mós ita haraik no hakribi ita nia sala hodi sai laran mos no bele hetan maromak nia grasa bo’ot iha loron paskoa”Padre Ruben Martines, hato’o lia hirak ne’e, hafoin prezide misa kuarta feira sínzas, iha Igreja Bidau.
Padre Ruben Martines,esplika, kuarta feira sínzas ne’e, nu’udar hahú tempu kuarezma ba sarani sira, atu hametin fiar iha família, no ba ema ida-idak nia moris, nune’e bele hetan grasa husi maromak.
Tanba ne’e Padre Ruben, haklaken, jejun ne’ebé sarani sira hala’o iha loron 40 nia laran ne’e, hatudu sinál domin ba Jesus no ba ema hotu.
Alénde ne’e, tempu kuarezma mós fó hanoin ba sarani sira, atu moris iha paz no dame nia laran, liu-liu iha família.
Iha selebrasaun misa Kuarta-Feira Sinzas iha igreja Bidau ne’e, partisipa másimu husi sarani sira, suku Bidau,Postu Administrativu Cristu Rei,Munisípiu Díli.Tos
