GMN TV Capital SEA fó pose ba xefe departamentu na’in 18

SEA fó pose ba xefe departamentu na’in 18

0 views

Sekretária Estadu Meiu Ambienti (SEA), iha Segunda (10/02/2020) toma pose ba xefe departementu nain 18.

Xefe departamentu nain 18 ne’e kompostu husi, Xefe departamentu unidade kordenasaun asuntu Munisipais, Xefe departamentu kontrolu poluisaun, xefe departamentu planu no jestaun ambiental.

Xefe departamentu Ozono, xefe departamnetu adaptasaun klimatika, xefe departamnetu migitasaun Klimatika, xefe departementu, onservasaun biodiversidade, xefe departamentu kontrolu komersializasaun no kaza espesie protejidas.

Xefe departamentu edukasaun no informasaun ambiental, xefe departamentu laboratoriu ambiental, xefe departamentu jetasaun dadus no biblioteka, xefe departamentu finansas no administrasaun, xefe departamentu planeamentu,

Xefe departamentu rekursus humanus, xefe departamnetu aprovisionamentu, xefe departamnetu lojistika, xefe departamnetu asuntus administrasaun no xefe departamentu  asuntu administrasaun dokumentasaun no arkivu.

Iha intervista, Sekretariu Estadu Ambienti Deometrio Amaral, hateten, pose internal ba xefe departamentu na’in 18, hodi kompleta estrutura  Sekretária Estadu Ambienti (SEA).

Tomada de posse internal ne’e, tuir diploma ministerial númeru 54/2019 loron 23 fulan Outobru, no Regulamentu Organika Sekretária Estadu Meiu Ambienti, no desizaun husi Prezidenti KFP númeru 3427/2019/PCFP no númeru 3436/2019/PCFP no númeru 3479/2019 kona-ba nomeasaun substituisaun hodi ezerse, kargu xefea iha Sekretária Estadu Ambienti.

“Ambienti nia orgânika aprova iha Jullu tinan 2019, depois de aprovassaun ba orgânika sekretária estadu Meiu Ambienti (SEA), nian ami halo mós diploma ministérial nian kona-ba kriasaun departamentu sira, no diploma ne’e rasik aprova iha, fulan Outubro no naran sira ne’ebé mak haruka ba komisaun funsaun públiku (KFP), balun labele hetan kedan desizaun final, tamba iha hela avaliasaun grau funsionáriu nian, entaun ami foin simu notifikasaun final husi, KFP no ohin (horseik-red), fó pose internal ba kargu xefea sira”, hateten, Deometrio Amaral, ba GMN iha Acait, Segunda (10/02/2020)

Deometrio hatutan katak, Xefe departamentu nain 18 ne’e mak kompleta estrutura prinsipal Meiu Ambienti ni’an, no ema hotu ne’ebé servisu iha ambienti la’os servisu hodi servi deit mãe patria maibe, servisu mós ba mãe terra, tamba ne’e sira sei hala’o servisu ho unidade iha asaun, hodi bele rezulta servisu ne’ebé di’ak ba nia mae patria no mae terra.

“Antes,sai Sekretária Estadu, ha’u servisu ho sira funsionariú barak mak ha’u hatene, no sira iha kapasidade tekniku iha sira nia area, ha’u fiar katak konfiansa ne’ebé Estadu fó ba sira sei hala’o ho di’ak”, subliña, Deometrio.

Iha fatin hanesan, Xefe Departamentu Jestaun Dadus no Biblioteka Ambiente, Ligia Purificação, hateten, sente orgullo tamba, hetan fiar husi Estadu, hodi hala’o kna’ar iha meiu ambienti tamba ne’e, no kompremetidu sei hala’o kna’ar ho di’ak, atu nune’e bele dezenvolve rai ida ne’e.

“Ha’u servisu hanesan funsionariú públiku, hahu husi tinan 2009 to’o ohin loron, no hetan fiar husi estadu atu servi rai ida ne’e, tamba ne’e sei hala’o kna’ar ho di’ak”, tenik, Ligia.Cin


Banner

Foto

Notisia Ikus

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...

CESLINK bele ona sai empreza telekomunikasaun iha TL

September 17, 2021
Ministériu Transporte Komunikasoins (MTK), Dire...

Governu sei hadia infraestrutura ne’ebé estragu husi DN

September 17, 2021
Primeiru Ministru (PM) Taur Matan Ruak hatete, G...

Fulan oin, ró Berlin-Ramelau to’o TL

September 17, 2021
Ministru Transporte no Komunikasaun (MTK) José ...
1 2 3 640

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker