GMN TV Capital SEA hetan projetu hosi GEF ba implementasaun protokolu Nagoya iha TL

SEA hetan projetu hosi GEF ba implementasaun protokolu Nagoya iha TL

0 views

VIII Governu Konstituisionál liu hosi Sektretaria Estadu Ambiente (SEA) hetan projetu ida liu hosi kooperasaun ho Global Enviromental Facility (GEF) ho títulu, estabelesimentu ba kuadru nasionál no kapasidade operasionál ba implementasaun protokolu Nagoya iha Timor-leste.

Sekretária Estadu Ambiente, Demétrio Amaral hatete, protokolu Nagoya mak protokolu ida importante hosi implementasaun konvensaun biodiversidade ninian, hodi proteje direitu sira konaba rekursu jenétiku importante sira.

“Protokolu ida ne’e dezenvolve iha Nagoya Japaun, durante komferensia 10 hosi partre  hotu-hotu  ba konvensaun  UNO ba biodiversidade (CBD) nia,” dehan SEA Demétrio Amaral, liu hosi komferensia imprensa Sesta (14/02/2020) iha Bebora Díli.

SEA informa, objetivu hosi protokolu mak atu regula asesu no uza rekursu jenétiku Nasaun nian,(ai-horis no animal inklui mikro-organismu sira) atu garantia katak benefisiu (liu hosi utilizasaun peskiza no dezenvolvimentu) fahe ba Nasaun ne’ebé fornese ninia rekursu jenétiku ho fair no justu.

“Timor-Leste presiza atu reforsa ninia framework ba implementasaun protokolu ida ne’e, atu Timor-leste bele hetan rekursu jenétiku sira ne’ebé karik identifika iha Timor-Leste.Futuru iha prospetór ruma atu dezenvolve ba peskiza no mos ba industria, nune’e Timor-Leste bele iha fatin direitu ba ida ne’e”,haktuir nia.

Governante ne’e dehan, projetu ne’e relasiona ho historia kafe “hibrido de Timor” ne’ebé mosu hosi kruzamentu entre kafe árabika no robousta, ne’ebé nia kromosomu diferente entre kafe inan rua ne’e hodi hamosu kafe hibrido Timor-Leste nian.

“Timor-Leste presiza duni protokolu Nagoya hanesan instrumentu ida tulun Timor-leste, hodi proteje direitu sira ba espesie sira ne’ebé futuru ho kapasidade dezenvolvimentu tekonolojia rai-laran”.

 Demétrio afirma, iha projeitu ne’e SEA iha prosposta rua, orsamentu proposta melhoramentu ba rekursu humanu, sistema no prosedimentu iha Timor-Leste atu engaja klimatíka verde ho orsamentu dolar amerikanu 695,038.00, ho durasaun ba projeitu refere fulan 18.

“Iha tinan  2019 Diresaun Nasionál Alterasaun Klimatíka(DNAK) servisu hamutuk ho Sentru Rede Teknolojia no Klimatika (SRTK) submete tan proposta  ida ho titulu, hasa’e kapasidade ba instalasaun no manutensaun solar panel, ne’ebé ho orsamentu dolar amerikanu 304,491.69”,tenik nia.Fel

 


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker