GMN TV Capital Natalina Horta halot iha semintériu Herois Metinaro  Ramos Horta agradese Estadu

Natalina Horta halot iha semintériu Herois Metinaro  Ramos Horta agradese Estadu

0 views

Eis Prezidenti Repúblika, José Ramos Horta,  agradese Estadu Timor Leste,  tanba desidi hodi  halot Matebian Natalina Filipe Horta iha semitériu herois Metinaro.

“Nu’udar família fó agradese tebes ba Prezidenti Repúblika, Governu no Forsa Armadas nia proposta atu halo seremonia halot funeral matebian semitériu herois Metinaro. Antes ne’e ami hanoin hanesan Povu normal,  família tu’ur hamutuk desidi ona atu halo seremonia halot iha Semitériu Becuse nian, maibé iha Kuarta lorokraik, Prezidenti Repúblika rasik telefhone ha’u atu  ba halot iha Semitériu Herois Metinaru nian,”hateten José Ramos Horta ba GMN iha mate uma Taibesi, Kinta (01/03).

Nia haktuir, Kuarta lorokraik Primeiru Ministru, Mari Alkatiri no Ministru Defeza, José Agustinho Sequiera  ‘Somotxo’ mós mai hateten, matebian Natalina Filipe Horta iha direitu atu hetan homonazen ba semitériu herois Metinaro, tanba nia mós fó kontribuisaun luta ba rai ida ne’e.

“Ami família simu, maibé ami la husu buat ida ba Estadu, ha’u nia mãe ne’e moris ema simplest, tanba ne’e mak maioria família hakarak halot iha semitériu bai-bain  nian,  tanba parte família mós respeita Prezidenti Repúblika nia desizaun, tanba ne’e dala ida tan família fó agradese ba Estadu no Governu,” katak Ramos Horta.

Tuir planu, matebian sei hakoe iha loron Sabadu 03/03, tuku 3:00 lorokraik OTL,  tanba sei hein família balu ne’ebé  iha estranjeiru. Antes atu ba halot matebina Natalina iha semitériu Metinaro,  família sei lori ba Igreja Balide atu halo misa.

Matebian Natalina Ramos Filipe Horta, inan husi eis Prezidente Repúblika José Ramos Horta,  hakotu iis ho Idade 88, iha loron Tersa (27/02), oras tuku 7:00 Otl. Matebian Natalina Ramos Horta sofre moras ida ho naran Alzheimer.aba

 


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker