GMN TV Capital Diakonal na’in 5 simu ordenasaun

Diakonal na’in 5 simu ordenasaun

0 views

Diakonal na’in lima (5), Tersa (19/03), simu ordenasaun Frater iha Igreja Katedral Díli. Misa ordenasaun ne’e, prezide husi Amu Bispu Dioseze  Díli, Dom Virgílio do Carmo da Silva SDB.

Ordenasaun Diakonal ba Frater nain 5 ne’e mak hanesan, Frater  Eugénio Redentor, Hermengildo Sarmento, Carlito Teti Laca, Roberto Lafu no Mariano Maia.

Iha nia omília, Bispo Virgílio do Carmo da Silva  hateten, mezmu tinan-tinan repete selebrasaun  São José nia loron, maibe sarani sira tenki koko atu haree ninia mensagen nee hodi hala’o iha vida moris lor-loron.

“São José ne’ebé hatudu duni nia fiar ne’ebé klean no simu duni Maromak nia planu salvasaun ninian, ho Maromak nia grasa bele realiza Moromak nia planu ne’e, hodi haklaken lia los ba mundu tomak”,   hateten Amu Bispo Diocese Díli, Dom Virgílio do Carmo da Silva SDB.

Amu Bispo enkoraza Diaconal nain 5 no sarani tomak atu moris tuir dalan ne’ebé São José husik hela, atu bele halo tuir Maromak nia dutrina hodi bele hetan salvasaun husi Maromak.

“Husu ba sarani sira atu prontu nafatin la’o tuir Maromak nia obra,  ho nune’e bele hetan moris rohan la’ek. Husu ba diaconal  sira  atu sai bibi atan ne’ebé di’ak, atu hananu nafatin ba iha sarani nia let, hanesan profeta Joel nia lia menon katak, la’os les mak imi nia hatais, maibé les mak imi nia fuan”, katak Amu Bispu Diocese Díli ne’e.

Nune’e mós Diaconal Hermengildo Sarmento, promete   sei  halo tuir Amu Papa nia mensajen ne’ebé hateten, sai bibi atan ne’ebé di’ak, tenki hakbesik sarani sira hodi haklaken Nai Maromak nia lia fuan, nune’e sarani sira bele besik ba uma kreda.

Hermenegildo dehan, ba future nia sei vízita tama sai sarani sira nia let hodi hodi haklaken nafatin Maromak nia futar lia.

Alende ne’e, reprezentante Família Domingas Sarmento hateten,nu’udar família senti haksolok tebes, tanba sira nain 5 bele hetan Ordenasaun no família kontinua reza nafatin ba sira, nune’e hetan isin di’ak nafatin hodi bele servi uma kreda no sarani sira ho di’ak.aba


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker