GMN TV Capital DNTT laiha blanko produs xapa matríkula no karta kondusaun

DNTT laiha blanko produs xapa matríkula no karta kondusaun

0 views

Ministru Transporte no Komunikasaun (MTK), José Agustinho da Silva hala’o vizita ba Diresaun Nasional Transporte Terrestre (DNTT), Balide, Dili ho objetivu atu haree besik servisu diresaun nian no rona preukupasaun durante fó atendementu ba públiku.

Vizita Governante ne’e nian nudar vizita daruak hafoin simu posse sai Ministru Transporte no Komunikasaun iha tinan 2018.

“Vizita ne’e nudar vizita trabalho hau nian, ida ne’e ba dala rua ona, primeiru kuandu hau tama fo foun nudar membru Governu hau hala’o ona vizita. Objetivu husi vizita ne’e para haree besik liu tan problema saída maka diresaun ne’e hasoru, hau mai koalia ho direjenti no funcionário sira, sira hato’o sira nia problema, problema ne’ebe identifika maka laiha blanku librate hodi produs xapa, STNK no blanku ba karta kondusaun no mos ba xapa matrikula original”, hateten Ministru Transporte no Komunikasaun (MTK), José Agustinho da Silva ba Jornalista sira hafoin vizita DNTT, Balide, Dili, Kinta (14/03/2019).

José Agustinho da Silva hatutan preukupasaun sira ne’e difikulta atendementu, no durante funsionáriu DNTT atende kliente ho deit surat tahan, ezemplu xapa matrikula uza deit surat tahan, ne’e mos problema ida, ne’ebe liu husi vizita identifika problema hodi buka solusaun lalais nune’e fó atendementu diak, dignu ba publiku.

“Aleinde ne’e hau mos komversa ho sira kona ba situasaun transporte terrestre em jeral, transporte publiku durante ne’e hau bele dehan dez-organizadu, hahu husi táxi, mikrolete no bus, hau hare hanesan ne’e, tanba seidauk asosiasaun ida ne’ebe akomoda sira, realidade hanesan aktividade greve ne’ebe motorista sira halo, hau observa sira halo greve wainhira estudante sira atu tama iha ezame, ne’e sira halo ona asaun greve, ne’e difikulta atendementu publiku, n’e buat ida ladiak”, dehan nia.

Governante ne’e mos rekonhese katak, durante ne’e Governu seidauk estabelese banku iha DNTT, li-liu iha area Akanunu, nune’e difukulta tebes komunidade wainhira atu selu.

Maibe, dadaun ne’e iha DNTT, Balide Dili iha ona fatin atu estabelese banku ida hodi fo atendementu ba kliente sira wainhira presija atu selu.

“Hau fo ona hanoin ba autoridade DNTT, los duni katak kliente sira ba selu fali iha fatin seluk ou banku entaun ne’e difikulta sira, tanba distansia dok, katak buat ida bele rezolve iha oras ida deit bele lori tiha tempu loron ida ka rua, maibe agora DNTT Balide rasik kria ona fatin atendementu no iha ona relasaun ho banku hodi loke cabang ida para atendementu iha ne’e, no selu mos iha ne’e nune’e bele hetan rezultadu iha tempu badak”, dehan nia.

Iha fatin hanesan, Xefi Departamentu Seguransa Rodaviaria Maria Antónia Vitor, agradese ba vizita Ministru Transporte no Komunikasaun nian, tanba bele rona dereita preukupasaun sira nian durante ne’e.

“Vizita Ministru nian mai DNTT, ami agradese teb-tebes, eleinde mai vizita ami, ami mos hato’o ami nia preukupasaun ne’ebe durante ne’e ami iha, ministru bele hare rasik nune’e bele fo apoiu ba ami iha ami nia atendementu ba publiku. Preukupasaun ami nian durante ne’e maka falta blanku libretis, karta de kondusaun no xapa matrikula, tanba realidade durante ne’e viaturas barak maka serkula ho xapa matrikula surat tahan, ne’e katak xapa matrikula provijorio, ne’e akontese tanba iha tinan 2018 Governu la’o deit ho orsamentu duodécimo”, hateten, Xefi Departamentu Seguransa Rodaviaria Maria Antónia Vitor.

Maibe ho orsamentu tinan 2019, Xefi Departamentu Seguransa Rodaviaria DNTT ne’e espera DNTT bele atribui ona xapa matrikula original no halakon xapa matrikula plastik.

“Durante tinan 2018 DNTT hamata reseitas ba kofre Estado hamutuk milliaun 3 $. Osan sira ne’e recolha husi rejistu viaturas nian”, afirma Maria Antónia Vitor.

Entretantu, tuir planu, Governante ne’e hala’o mos vizita ba iha DNTT, Comoro, no Akanunu Hera, Dili. mia


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker