GMN TV Capital Sofre moras fuan, Gil Alves hakotu iis

Sofre moras fuan, Gil Alves hakotu iis

0 views

Eis Ministru Turismu Komersiu no Industria (MTKI) no atual Vise Prezidente Kámara Komersiu Industria Timor-Leste (CCI-TL-sigla Portugés), Gil da Costa Alves, hakotu iis iha Hospital Nasional Guido Valadares (HNGV) iha loron Domingu (17/03/2019), tamba sofre moras fuan.

Durante ne’e matebian Gil Alves halo tratamentu intensivu ba moras ne’ebé nia sofre ne’e iha HNGV no tuir rezultadu teste medíku husi HNGV katak, matebian presiza deskansa barak atu nune’e saude bele rekoopera, maibé tamba okupadu ho atividade halo matebian hetan atakasaun iha fuan no rezulta matebian hakotu iis hodi husik hela fen-kaben no oan nain 6.

Iha IV Governu Konstituisional matebian Gil Alves, asume kargu núdar   Ministru Turismu Komersiu no Industria (MTKI) ) husik hela obra barak hanesan prasa Lecidere, rehabilitasaun Cristo-Rei no seluk tan. Nune’e mós iha aspetu politíku matebian kontribui ona servisu lubuk ida no envolve an iha rezistênsia iha tinan 1999 no sai Sekretáriu Jeral ba Partidu Assosiaun Sosial Demokrata Timorense (ASDT).

Matebian nia kargu ikus iha nia vida moris mak, sai hanesan Vise Prezidente Camara Comersiu Industria Timor-Leste (CCI-TL) no Prezidente Partidu Centru Ação Sosial Demokrata (CASDT).

“Hanesan família ami sente lakon ema ida ne’ebé validu no fo ona kontribuisaun ba Nasaun, Sosiedade liu-liu família”, ho laran triste reprezentante família matebian, Jacinto Alves, hato’o ba Jornalista sira, Segunda (18/03/2019) iha rezidensia matebian Fomento 1 Comoro Díli.

Sentimentu triste ekspresa mós husi Vice Prezidente área Infrasetrutura Camara Comersiu Industria Timor-Leste (CCI-TL) João Alves, sente triste tamba lakon ema ida ne’ebé durante servisu hamutuk, intelektual no iha esperensia ba servisu.

“ Bainhira Prezidente CCI-TL Oscar Lima re-eleitu ba Prezidente CCI-TL, ami deside atu buka ema ne’ebé intelektualidade no iha esperensia ba servisu, entaun ami hili matebian Gil da Costa Alves atu sai hanesan Vice Prezidente CCI-TL ba ASEAN hodi reprezenta CCI-TL ba halo reuniaun iha ASEAN.”dehan Vice Prezidente área Infrasetrutura CCI-TL.

João Alves, afirma tuir estatutu CCI-TL nian Prezidente no Konsellu jeral CCI-TL sei tur hamutuk hodi haree sé mak atu subtitui fila fali matebian, tamba ne’e estrutura CCI-TL sei haree hikas asuntu refere. Fel


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker