GMN TV Capital DNAS-Autoridade Lokál sei fó sansaun ba komunidade ne’ebé estraga bee moos

DNAS-Autoridade Lokál sei fó sansaun ba komunidade ne’ebé estraga bee moos

0 views

Diresaun Nasionál Agua  Saneamentu (DNAS) servisu hamutuk ho Autoridade Lokal  Postu Administrativu Cristu-Rei,  hodi tau matan ba komunidade sira ne’ebé uza bee moos la tuir regras.

Xefe Departamentu Apoiu Komsumidor Diresaun Nasionál Agua,  Daniel Fernandes, hateten  ba futuru Governu ho Autoridade lokal sira sei fó prioridade ba komunidade sira ne’ebé seidauk asesu bee moos iha kapital Díli.

“ Enkontru ne’ebé  Diresaun Nasionál  Agua halo ho Autoridade Lokal Postu Administrativu Cristu-Rei ohin ne’e (Segunda), oinsa diresaun jeral agua bele kolabora ho Autoridade lokal sira hodi  hari’i ekipa Task force ida atu  la’o hamutuk halo kontrolu ba ita-nia komunidade sira balun ne’ebé estraga bee moos no fó atensaun mós ba komunidade balun ne’ebé seidauk asesu  bee moos hodi bele resolve”, hateten Daniel Fernandes ba GMN iha Becora Díli Segunda (02/02).

Daniel esklarese, bainhira Diresaun Agua detekta komunidade balun dada bee illegal no uza bee la tuir regras  sei hetan  sansaun tuir lei númeru 4/2004.

Tuir lei ligasaun hotu tenke lisensa husi Diresaun Nasionál Agua labele halo mesak, entau presiza komunidade sira halo rezistu, iha ne’eba foin Diresaun Nasionál agua foin bele halo kanaliza bee ba nia uma, nune’e to fulan komsumedor sira bele ba selu iha banku ne’ebé monta ona iha Comoro, Culuhun no Kaikoli nian, no ba komsumedor sira ne’ebé  mak uza bee to’o agora la selu sei hetan multa tuir kritériu ne’ebé iha tiha ona”, katak Daniel.

Iha fatin hanesan, Administradór Postu-Administrativu Cristo-Rei, Gaspar da Silva informa, Diresaun nasionál Agua  servisu hamutuk ho Autoridade Lokal sira hodi kontrola komunidade sira ne’ebé dada bee illegal, tanba Autoridade Lokal mak besik liu ba komunidade sira.

Objetivu enkontru ne’e oinsa Diresaun Nasionál Agua ho Autoridade Lokal sira bele harii ekipa task force ida atu halo kontrolu ba komunidade sira ne’ebé dada bee illegal, no komunidade sira ne’ebé uza bee maibé la selu ba Estadu, ne’eduni ho ekipa task force ne’e sei tama sai Aldeia sira hodi haree preokupasaun sira hodi responde lalais, tanba Autoridade sira ne’e mak besik liu ita-nia komunidade tanba ne’e banhira iha atividade Governu nian presiza mós involve Autoridade Lokal sira, nune’e programa sira bele la’o ho di'ak”, informa Gaspar

Postu Adminitrativu Cristo-Rei komposu husi Suku walu mak hanesan,  Suku Becora, Ailok, Balibar, Bidau Santana, Culuhun, Meti-Aut, Camea no Hera ho total populasaun rihun nen nolu resin lima liu.

Tuir planu, Diresaun Nasional Agua sei halo mós enkontru ho Autoridade lokal Postu Adnministrativu sira seluk iha Kapital Díli hodi ko’alia kona ba asuntu bee moos nian.aba

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker