GMN TV Capital Dom Virgílio apela ba lider sira atu hamutuk salva povu TL

Dom Virgílio apela ba lider sira atu hamutuk salva povu TL

0 views

Arcebispu Metropolitano Díli, husu ba lider nasionál sira, labele preokupa liu ba polítiku, maibe hamutuk atu salva povu Timor-Leste (TL), husi COVID-19 no inundasaun.

Dom Virgílio do Carmo da Silva SDB, hatete liu husi pandemia COVID-19 no inundasaun, bele loke lider nasionál sira nia matan no neon, ne’ebé durante ne’e preokupa deit ba asuntu polítiku no la tau aas interese povu nian.

Tamba ne’e liu husi momentu COVID-19 ne’ebé sai problema mundial no inundasaun bele manifesta unidade lider polítiku sira atu hamutuk ho boa vontade hodi fó solusaun ba situasaun importante rua ne’e.

Arcebispu Metropolitano Díli,Dom Virgílio do Carmo da Silva SDB, dehan “Ita hotu agora buat 2 mak agora iha ita nia oin ida mak pandemia virus ne´ebe mak kontinua espalha iha nasaun hotu nune´e ita Timor-Leste mos preukupa, segundu inundasaun ne´be akontese ho buat sira ne´e hotu iha momentu sira ne´e mak ita presiza tebes manifesta unidade iha ita, ita nia politiku sira hamutuk boa vontade ida atu oinsa bele fó solusaun ba iha situasaun ida ne´e”.

Tuir Dom Vírgilo nia hanoin katak situasaun rua nee obriga nai ulun sira atu fó liman ba malu, tamba ohin loron ita preokupa ho povu, tamba ita haree iha nasaun seluk ema nia bo´ot sira buka meius atu evita hodi ultrapasa COVID 19 ida ne´e.

“Ita reza ba politika sira atu sira esforsu an, hodi hakas an lalais atu hamutuk hodi ultra pasa krize mundial ida ne´e”, dehan  Arcebispu Metropolitano Díli.

Dom Virgílio do Carmo da Silva, mós reza nafatin ba lider politíku sira, atu esforsu hodi hamutuk ultra pasa situasaun impasse politíku iha rai laran ne’ebé durante tinan 3 ona.Tos


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker