GMN TV Capital Dom Basílio: “Líder polítiku sira halo ita triste”

Dom Basílio: “Líder polítiku sira halo ita triste”

0 views

Bispu Diocese Baucau, Dom Basílio do Nascimento, Pr, hateten, maski kampaña partidu polítiku sira la’o di’ak, maibé intervensaun lider partidu polítiku sira nian, iha periodu kampaña halo ema sente triste tanba balun la koalia konaba programa maibé ba ke malu fali konaba semak kontribui liu ba Timor nia independénsia.  

Prezidente Republika (PR), Francisco Gueterres Lú Olo, dadalia ho Bispu Diocese Baucau, Dom Basílio do Nascimento Foto Media  PR

“Ohin hanesan ha’u dehan kampaña hakmatek, agora ha’u nia leitura ne’e, leitura pesoal, bele iha buat 3. Ida ema baruk ona, ema dehan hanesan ne’e, ita vota tun, vota sa’e lalika mangame tan. Ida seluk sai oituan indeferensa dehan lider polítiku sira halo ita triste, em vesde koalia konaba progama, sira ba ke malu fali. Leitura ida seluk ema bele dehan hanesan ne’e, ita boot sira bele koalia tunsa’e-tunsa’e maibé iha dia 12 ami hatene vota iha se,” hateten Dom Basílio do Nascimento ba jornalista sira hafoin hamutuk ho Bispu Diocese Díli, Dom Virgílio do Carmo da Silva, SDB hasoru malu ho Prezidenti Repúblika, Francisco Guterres Lú Olo iha Palácio Prezidensial hodi koalia konaba situasaun atual no oinsa bele hamutuk garante nafatin ba paz no estabilidade iha Timor Leste (TL).

Tuir bispu Diocese Baucau, Dom Basílio do Nascimento, Timor agora sai Nasaun independenti tanba timoroan hotu tau sira nia esforsu no matenek.

“Timor ohin independenti ne’e hanoin hotu-hotu tau sira nia esforsu, hotu-hotu tau sira nia matenek no kosar ben para rai ida ne’e sai buat ne’ebé ohin ita goza, kontribuisaun ema hotu nian,” Dom Basílio esplika.

Dom Basílio hateten, maski iha pontu de vista líder partidu polítiku ida-idak nian la hanesan konaba libertasaun país, maibé importante mak ema hotu bele iha hanoin ho laran atu kontribui ba Timor nian di’ak.

“Ida ne’e hanoin ida-idak nia pontu de vista, maibé importante ne’e dehan katak ema hotu-hotu kontribui ba Timor nia di’ak, uma ida atu iha fatuk kiikoan mós presiza, fatuk boot mos presiza, rai henek aat ka di’ak kahur ho semente ema presiza. Ne’eduni hanoin agora la’os tempu atu konta fali ba buat seluk,” Dom Basílio fundamenta.

Iha okaziaun ne’e Dom Basílio mos konvida sidadaun timoroan hotu atu ba vota iha eleisaun antesipada hodi kontribui ba vida nasaun nian iha tempu agora no ba futuru mai.

“Ha’u nia apelu ne’e ida-idak iha konsiensia katak surat oan ne’e tinan 5, tinan 5 de’it maibé surat oan ne’e defini nasaun nia destiñu. Ne’eduni hanesan bispu apela ne’e dehan votu ne’e obrigatóriu tanba sidadaun iha vida demokrátika sidadaun kontribui ba vida nasaun nian ne’e liuhusi nia surat oan ne’e. Vota a, vota b, vota c, agora iha partidu 8, ne’eduni vota 1 to’o 8 ne’e ida-idak nian, maibé agora votu kontribuisaun povu nian ba rai ida ne’e,”Dom Basílio esplika.ías


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker