GMN TV Capital AEMTL kuda Ai-akasia iha sidade Díli

AEMTL kuda Ai-akasia iha sidade Díli

0 views

Asosiasaun Emprezarial Mulheres Timor-Leste (AEMTL) ho inisiativa rasik  kuda Ai-akasia iha Cidade Dili. Tuir planu asosiasaun nian Ai-akasia oan nee sei kuda hahu husi Igreja Motael nia oin too Kristu Rei.

Total aikasia oan ne’ebe AEMTL sei kuda iha tinan 2019 hamutuk rihun 10, ho objetivu atu hadi’a hikas Icon Cidade Dili ne’ebe antes ne’e nakonu ho Ai-akasia, maibe ikus-ikus ne’e lakon ona.

“Loron ohin ami lansa programa kuda Ai-akasi, ho objetivu atu hodi hikas ai-akasia iha cidade Dili, ba loron ohin ami sei hahu husi Igreja Motael nia oin no la’o to’o iha Kristu Rei. Durante iha dalan ami sei kuda Ai-akasia, ami mos sei fahe ai-akasia ba komunidade durante iha dalan ami hasoru ho objetivu para husi parte ida ne’e ami bele kobre area husi Motael to’o Kristu Rei”, hateten, Prezidenti  AEMTL, Herguilina Fernandes Alves ba Jornalista sira iha arredores Igreja Motael, Dili, Segunda (22/04/2019).h

Aleinde fahe aikasia oan, AEMTL mos fahe pamfletu kona ba istoria furak husi Dili nian husi Ai-akasia, iha tempu hanesan fahe mos informasaun kona ba Kuda no oinsa atu Kuida Ai-akasia.

“Objetivu prinsipal AEMTL realiza kuda ai-akasia oan ne’e maka nudar mos ami nia programa ida, katak ami hakarak hodi hikas Icon cidade Dili ne’ebe nakonu ho ai-akasia, aleinde ne’e ami mos hatudu ami nia interesse ambiente, katak, responsabilidade sidadaun hot-hotu nian kuida ita nia ambiente no konserva ita nia ambiente liu husi kuda ai-oan”,  tenik Herguilina Fernandes Alves. h

Atu kuidadu ai-oan ne’ebe kuda ona, Prezidenti AEMTL ne’e esklarese, hanesan kampaña ne’ebe ami halo katak ema ida ne’ebe kuda Ai-akasia nia sei responsabiliza ba kuida aikasia ida ne’ebe maka nia kuda, ne’ebe informasaun hot-hotu iha pamfletu nia laran kona ba oinsa atu kuida ai-akasia nia oan, entaun ida ne’e sai responsabiliza ida-idak nian”, dehan nia.

Aktividade kuda ai-akasia oan ne’e lansa husi Sekretario Estado Koperativa, Arsénio Pereira da Silva, akompanha mos husi Prezidenti Câmara Comercio Industria Timor-Leste (CCI-TL), Oscar Lima inklui membru AEMTL.

Sekretario Estado Koperativa, Arsénio Pereira da Silva, hateten, aktividade kuda ai-akasia ne’e nudar programa AEMTL nian.

“AEMTL halo programa ida hodi hikas Icon Cidade Dili ne’e, tanba ita hotu hatene katak cidade ne’e uluk furak teb-tebes ho Ai-akasia ne’ebe nakonu wainhira ema kuandu tun ho aviaun hare ita nia cidade matak hamutuk ho Ai-akasia nia funan kor laranza, entaun cidade Dili ne’e ita nia, populasaun hotu-hotu ne’ebe hela iha cidade Dili responsabiliza atu kuda planta saída deit maka ita hakarak kuda hodi bele halo ita cidade nia furak”, hateten, Sekretario Estado Koperativa.

Governante ne’e afirma, Ai-akasia ne’e tempu uluk cidade Dili nakonu ho Aikasia, entaun ida ne’e maka sira (red-AEMTL) inisia para kuda fila fali para depois Icon cidade Dili bele mosu fila fali, tanba Ai-akasia ne’e kuandu nia boot ninia funan ne’e maka bele halo diak, tanba Ai-akasia nudar aihun ida boot no funan kapas, ne’ebe Aikasia diferente ho ai sira seluk, ne’ebe ne’e hanesan parte ida halo revitalizasaun Ai-akasia ne’e iha cidade Dili.

“Hau maka halo lansamentu no hau kompromete tiha kedas katak ida ne’ebe ohin hau kuda hau ho hau nia funcionário antes fila ba uma hau sei mai rega, tanba agora tempu bai loron ne’ebe tenke kuidadu”, promete Arsénio P. da Silva.

Entretantu, iha loron dahuluk AEMTL sei kuda ai-akasia oan hahu husi Igreja Motael oin to’o Jardim Kristu  Rei ho total aikasia oan hamutuk 250. Tuir planu tinan 2019 AEMTL sei kuda ai-akasia oan hamutuk 10 mil, kada fulan realiza aktividade kuda ai-oan dala ida. Mia


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker