GMN TV Capital Misa Domingu Ramus, Dom Virgílio: Sarani sira tenke hadomi malu

Misa Domingu Ramus, Dom Virgílio: Sarani sira tenke hadomi malu

0 views

Bispu Dioseze Díli, Dom Virgílio do Carmo da Silva SDB, hateten, nu’udar sarani tenke hadomi  malu  nafatin iha loron paskoa, maske hasoru dezafiu no obstaklu oi-oin iha moris lor-loron nian.

“Hanesan ema dehan ita ema ohin loron ninian, ema ne’ebé kapas, ema ne’ebé mak hatene, ema ne’ebé bele hadomi, bainhira ema kuandu hadomi moris ne’e, tenke hadomi malu no tempu domin mai hadomi malu to’o mate liu-liu iha semana santa”, haklaken Dom Virgílio da Silva do Carmo, wainhira prezide misa Domingu ramus, iha igreja Katedral, Díli, Domingu (14/04/2019).

Dom Virgílio haktuir, “ita nia lia fuan la ba malu, bainhira ita la gosta malu, ita hahu odi malu, maun alin haree malu ladiak, maske ran ida deit, ema ida deit, maibe ita odi malu to’o mate.”

“Buat ne’ebé inportante liu mak iha vontade diak atu hahú viajen ida atu hahu caminhada ida, maibé ho antuziasmu lao tuir jesus ain, no labele hotu deit iha uma kreda ne’ebé folin liu ba ita no aas liu dalan ida ne’ebé ohin ita hahu ne’e  tenki kuntinua ho  jesus nia mate no nia moris hias”,haklaken Dom Virgílio do Carmo da Silva.

Iha homilia ne’e Dom Virgílio dehan, ohin ema ne’ebé kapas, ema ne’ebé bele, ema ne’ebé bele hatene halo servisu maka’as, servisu ba nia rai, servisu ba uma kreda  fiar ba nia família, maibé dala ruma mós fasil bainhira sirkunstansia ruma sei hamosu espritu difirente maka’as.

“Iha  momentu ruma iha susar nia laran ita labele kaer metin ita promesa sira ita finalidade mosu traisaun, abandona ita nia promesa finalidade lakon i buat traisaun sira ne’e barak liu mak atu koko iha ita nia moris buat ne’ebé diak no ida ne’ebé sai nafatin dezafiu ba ita,”tenik Bispu Díli.

Iha sentidu ksolok no tristeza

Sarani Katólika iha mundu tomak, selebra loron Ramus inklui Sarani Katolika iha Timor-Leste liu-liu iha Parokia Motael  Domingu  (14/04/19) selebra mos loron refereho sentidu ksolok no tristeza.

Misa iha Parokia Motael ne’e prejidi husi  Amu Paroko Motael Guilhermino da Silva, ne’ebé mak hetan partisipasaun  máximu husi sarani sira hodi okupa  iha resintu Igreja Motael  oin to’o iha estrada públiku.

Liu husi omilia, Amu Paroko Maotael Guilhermino da Silva, hateten, selebrasaun domingu ramus iha sentidu ksolok no   sentidu tristeza. Tanba ne’e  Amu Guilhermino da Silva, husu  ba sarani   hotu atu hasaé  orasaun  ba  nai Jesus Kristu atu nai simu sarani sira ninia sakrefisiu.

“Ohin Maromak nia povu iha rai klaran hahú semana santa ho Domingu ramus, selebrasaun ida  ne’e iha nia sentidu rua, iha senti solok no na resin hodi  hanoin nai liurai tama iha sidade jeruzalen, hafoin tuir parte tristeza nakonu ho nakukun, parte ne’e  ita hanoin nai nia terus. Tanba  ne’e ita rona istoria paisaun nian husi  evajellu santu Lucas. Los duni Jesus nu’udar Maromak  nia oan mane mesak”,dehan Amu  Guilhermino da Silva.

Iha evanjellu Lucas nian hato’o mós  ba, “atu ita harohan nune’e ita labele monu ba babeur.”

“Ita tama dadauk ba semana santa, semana importante iha ita nia salvasaun, semana reflesaun nian. Tanba  ne’e  ita buka harohan liu tan atu ital abele monu ba babeur laran iha semana ida ne’e.”dehan Amu Pároku Motael ne’e.

Entretantu  iha selebrasaun misa ramus ne’e  hetan partisipasaun masimu husu sarani sira  no hetan seguransa husi eskuteiru,  no apoiu husi Polísia Tránzitu Nasionál.aes/avi


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker