GMN TV Capital Negosiante ambulante kontinua ezije Governu prepara fatin dignu

Negosiante ambulante kontinua ezije Governu prepara fatin dignu

0 views

Negosiante ambulante sira  ne’ebé fa’an sasan iha estrada ninin sidade Díli hodi buka moris, kontinua ezije Governu, atu prepara fatin ne’ebé dignu ba sira hodi kontinua fa’an sira nia sasan,  antes duni ses sira husi dalan ninin.

“Sei kuandu Governu prepara fatin mai ami, ne’e haruka ami sai, ami prontu, maibé kuandu fatin laiha sira mai duni ami de’it, ami sei kontinua fa’an, tanba ami nia necessidade loron kalan nian, tanba ami nia susar, ami mós iha direitu uza rai rohan ida hodi buka moris, tanba ami la estraga ema ruma ka la tane liman ba Governu. Imi nai ulun sira di’ak, fulan-fulan imi hein simu osan iha banku, inklui ekipa jestaun sira mós hanesan, fulan-fulan simu osan, maibé oinsa ho ami ne’ebé laiha servisu, bainhira la halo netik negósiu ki’ik oan sira ne’e, oinsa ami nia necessidade uma laran, oinsa ami nia oan sira bele eskola, bainhira ami nia oan sira la ba eskola dehan atu kaer inan aman, oinsa?, ami tenki tane liman ba Governu ka oinsa, Governu mós presiza prepara kondisoens, atu nune’e ami povu ki’ik nia oan sira mós bele asesu netik ba eduksaun, bolsa estudu oan de’it mós ami kbi’it laek nia oan defisil atu asesu. La’os Estadu mak kalan loron fó han ami, maibé liu husi ami nia negósiu oan sira ne’e mak sustenta ami nia moris loron-loron”, hateten vendedora ambulante Binoi Smith ba GMN, Sábadu (06/04/2019).

Binoi Smith haktuir, negosiante sira sei la tane liman ba Governu no hakarak moris livre iha nia rain rasik, nu’udar nasaun demokrasia no lakohi terus tan.

“Uluk nasaun seluk mai ukun ita, ita lakohi, tanba hakarak moris livre iha rain rasik, tanba ne’e mak hakarak dehan Timor mak ukun rasik aan, maibé to’o agora ukun an tiha tinan barak ona mós, halo povu ne’e terus nafatin, maske uluk ami mós sakrifika aan ba rai ida ne’e, maibé terus nafatin, uza netik rai mamuk tasi ninin oan sira buka moris mós duni nafatin, oinsa ami bele moris senti benefisia husi ukun an ne’e. Ami fa’an iha estrada ninin loos mak ladi’ak, tanba halo engarafamentu, maibé iha tasi ninin rai mamuk oan ne’e, tanba sa ami povu labele uza buka moris”, lamenta Binoi.

Negosiante ne’e afirma, atu garante sidade Díli mós, dadersan antes sira atu fa’an sasan, sira hamoos uluk fatin ne’ebé mak sira atu fa’an sasan ba.

Binoi mós fó garante katak, negosiante sira ne’ebé mak fa’an sasan iha fatin refere, sei la soe foer arbiru.

“Estudante ka vizitante sira mai iha jardim ne’e mak laiha konsiénsia hodi soe foer arbiru, maibé ami ne’ebé fa’an ami sempre hamoos ami nia fatin, kuandu sira sosa iha ami, ami halot tutuir foer ne’e, maibé vizitante sira sosa iha fatin seluk lori mai mak soe arbiru iha ne’e”, relata Binoi.

Iha fatin hanesan, vendedor nú, Jacinto Pereira mós rekomenda ba Governu atu prepara fatin negósiu hanesan iha Lita Store nia oin, tanba fatin atual ne’ebé iha, la sufisiente hodi akumula negosiante ambulante hotu.

“ Ami buka moris mós ba kabun de’it, atu riku ne’e laiha, hodi atende ami nia oan no alin sira ba eskola de’it, tanba ne’e sei Estadu hakarak hases ami iha dalan ninin, tenki prepara fatin ki’ik oan sira hanesan iha Lita Store nia oin ne’e, ami bele ba, maibé duni ami bebeik hanesan ne’e, risku ba ami nia moris, bainhira ami halai hetan soke ruma, hadau tan ami nia sasan, ami kontinua terus nafatin. Ami prontu koopera, tanba ami laiha hanoin atu kontra Estadu ne’e, maibé importante mak ami ezije prepara fatin ruma mai ami, ne’ebé fasil bele buka moris”, katak Jacinto.

Nia haktuir, uluk Estadu ezije sira atu fa’an iha Lita Store oin, maibé kondisaun fatin ne’ebá la premite, se loos mak atu sosa, bainhira butuk iha ne’eba hotu, haruka ba tasi-tolu fó netik mahon oan ruma mós la’e, maibé kuandu Governu prepara fatin ruma, sira prontu selu impostu, bainhira fatin ne’e ho konsidaun ne’ebé dignu ba ba sira nu’udar povu no sidadaun.

Antes ne’e, movimentu sosial Timor-Leste, hamutuk ho negosiante ambulante iha sidade Díli, halo marsa no hatama ona karta petisaun ba Parlamentu Nasionál maibé seidauk iha resposta ruma.

Relasiona ho asuntu ne’e mós, Primeiru Ministru Taur Matan Ruak deklara ona, polítika hases negosiante ambulante ne’e, atu garante sidade Díli moos no furak iha ema hotu nia matan, inklui turista sira.say


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker