GMN TV Capital Autoridade Suku Lahane Osidentál prontu oferese Óspital Militar sai fatin kuarantena no izolamentu COVID-19

Autoridade Suku Lahane Osidentál prontu oferese Óspital Militar sai fatin kuarantena no izolamentu COVID-19

0 views

Autoridade Lokal iha Suku Lahane Osidentál, rejeita deklarasaun hosi komunidade balun iha Suku refere, ne’ebé rejeita atu eis Óspital Militar Lahane Osidentál, sai fatin kuarantena no fatin izolamentu ba COVID-19, tanba deklarasaun ne’ebé komunidade balun deklara laiha koñesimentu hosi Autoridade Lokal, nune’e Autoridade Lokal sira deklara prontu oferese Óspital Militar sai fatin kuarantena no izolamentu.

 “Ami rejeita deklarasaun komunidade balun, ne’ebé iha loron hirak liu ba halo komferensia imprensa deklara, hodi la aseita ho planu Líder Nasionál, Kay Rala Xanana Gusmão, atu uza fatin eis Óspital Militar Lahane, sai fatin kuarantena no fatin izolamentu ba covid-19, dehan Xefe Suku Lahane Osidentál, Fransisco Ribeiro Smith, ba JN-Diáriu Kuarta (22/04/2020) iha Lahane Díli.

Xefe Suku Lahane Osidentál informa, hanesan Autoridade Lokal  lamenta tebes ho hahalok komunidade balun nian, ne’ebé fó deklarasaun ba públiku laiha koñesimentu hosi parte Autoridade, tanba deklarasaun ne’ebé komunidade balun halo ida ne’e pessoal no laos Autoridade  mak haruka.

“Suku Lahane Osidentál iha nia Autoridade Lokal no lia nain sira, entaun ko deklarasaun komunidade balun nian ida ne’e pessoal sira balun deit, maibé laos ami Autoridade ho komunidade tomak iha Suku ida ne’e, tanba Autoridade no komunidade tomak prontu kontribui hodi oferese fatin ne’e ba fatin covid-19”, haktuir Fransisco Ribeiro Smith.

Nia afirma, komunidade balun ne’ebé rejeita sira laos rai nain iha Suku Lahane Osidental, maibé sira foin hela iha Suku refere iha tinan 1999, tanba ne’e Autoridade sira husu atu públiku labele fiar ho deklarasaun komunidade balun deit, maibé tenke fiar informasaun ne’ebé mai hosi Autoridade Lokal no lia nain sira.

Iha fatin hanesan, komunidade Aldeia Óspital Militar, Paulo Ribeiro dos Santos, hatete hanesan komunidade prontu kontribui ba desizaun saida deit hosi governu, liu-liu atu rehabilita eis edisifiu Óspital Militar hodi uza provizoriu hanesan fatin kuarantena no izolamentu ba covid-19.

“Iha loron hirak liu ba iha komunidade balun deklara lori komunidade tomak iha Suku Lahane Osidental, katak rejeita atu eis Óspital Militar sai fatin  kuarantena no izolamentu, maibé ida ne’e sira bosok tanba deklarasaun ne’e en nome pessoal laos ami komunidade tomak”.

Paulo Ribeiro subliña, programa ne’ebé Líder Nasionál, Kay Rala Xanana Gusmão, halo diak ba povu tomak hodi evita atu moras covid-19 daet ba bebeik, entaun hanesan povu prontu kontribui tanba karik governu rehabilita duni eis Óspital militar, mak sei la uza deit hanesan fatin kuarantena no izolamentu ba covid-19, maibé ba futuru bele  uza mós hanesan sentru saúde ho Óspital ruma.Fel


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker