GMN TV Capital Dom Virgílio: Sarani Katóliku tenke hametin fiar hasoru COVID-19

Dom Virgílio: Sarani Katóliku tenke hametin fiar hasoru COVID-19

0 views

Arsebispu Arkidioseze Metropolitanu Díli, Dom Virgílio do Carmo da Silva, SDB, haklaken, tinan 2020 nu’udar momentu ida ba sarani Katóliku sira tomak atu hametin fiar hasoru pandemia COVID-19.

Selebrasaun festa Páskua hanesan loron espesiál ba komunidade Katóliku iha mundu tomak, liu-liu ba sarani Katóliku iha Timor-Leste ne’ebé kada tinan sempre selebra loron espesiál ne’e, ho atividade oi-oin tuir sarani Kristaun ni’an. Maibé ba tinan 2020 hanesan tinan istóriku ba mundu tomak no komunidade Katóliku nia esperansa nunka atu mosu situasaun hanesan ne’e iha mundu.

Arsebispu Arkidioseze Metropolitanu Díli, Dom Virgílio do Carmo da Silva, SDB, iha ninia omília, haklaken, mezmu atividade misa laiha partisipasaun husi sarani sira, maibé husu sarani hotu atu akompañia misa husi média sosiál no média eletróniku sira, nune’e bele hametin nafatin fiar Katóliku ni’an hodi hasoru pandémia coronavirus (COVID-19).

“Kuarezma 2020 atu remata dau-daun, maibé kuarantena, izolamentu, Estadu Emerjénsia (EE) ita la hatene bainhira, kuarezma iha kuarantena loos duni estrañu, maibé ida ne’e mak ita-nia realidade no ita-nia istória no ita nia istória ne’ebé mundu hakerek no ita mós hakerek dau-daun, la’ós atu sees, maibé aten barani ho laran-metin iha Na’i Maromak, esperiénsia ne’ebé ita hotu la hein no lakohi, maibé bele tulun ita fó liu tan sentidu ba ita nia selebrasaun Jezus nia paixaun, bele fó liu tan kualidade ba ita-nia selebrasaun semana santa, loos duni ita labele halibur hamutuk atu prepara ita nia-an liu husi retiru, konfesa, misa no prepara-an ba festa Páskua sa tán ita labele haksolok hamutuk iha festa Páskua hanesan bai-bain, loos ida ne’e ita sente todan falta boot ida ba ita sarani iha ita-nia moris. Maibé situasaun obriga ita, iha dekretu Papa ni’an dehan ida ne’e serve de’it ba tinan 2020, nune’e mós paixaun Jezus Kristu ni’an ne’ebé ita selebra tinan ne’e estrañu tebes, basá esperiénsia ne’ebé ita nunka imajina iha tempu funu susar oinsa mós ema ba misa nafatin”.

“Maibé ohin loron ho pandémia ida ne’e mak ita hotu nia inimigu, ne’ebé ita la haree invizivel mak obriga ita atu hakmatek iha ita-nia fatin, maluk sarani doben sira misa mak labele, maibé ema ida labele hasa’i Maromak nia prezensa husi ha’u, iha dalan oi-oin atu ita bele ba hamutuk ho Maromak nia prezensa besik liu tan ba ita ida-idak, buras liu tan, manas liu tan iha ita ema, liu-liu iha tempu susar ida ne’e, ohin loron ita iha média sosiál, dalan ida ne’ebé ita ida-idak atu lori Maromak ba ita-nia moris, kreda enkoraza sarani hotu atu partisipa misa husi média sosiál”, Arsebispu Dioseze Díli hatete iha omília iha misa Domingu (5/4/2020) Ramus iha Igreja Katedral, Díli.

Maibé antes ne’e, Dom Virgílio mós apela ona ba sarani Katólika iha Timor laran tomak atu suspende atividade misa ni’an, hodi prevene transmisaun pandémia COVID-19.

Mezmu situasaun no kondisaun la permite sarani hotu atu partisipa misa, maibé Bispu ne’e mós enkoraza sarani hotu nafatin mantein fiar tuir dutrina Kristaun nini’an. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker