GMN TV Capital EE implika komunidade hahú hamlaha, Xefe Aldeia Licara-Poma Hudi Laran tanis

EE implika komunidade hahú hamlaha, Xefe Aldeia Licara-Poma Hudi Laran tanis

0 views

Xefe Aldeia Licara-Poma Hudi Laran, Suku Bairro-Pité, Postu Administrativu Dom Aleixo, Munsípiu Díli, tanis tanba ninia komunidade enfrenta hamlaha, iha períodu Estadu Emerjénsia (EE) ne’e.

“Hau nu’udar xefe aldeia ha’u sente laran dodok no fuan kanek,tamba loro-loron ha’u iha ha’u-nia uma oin ne’e Komunidade nakonu hodi husu ajuda, tanba sira osan laiha atu hola fós hodi fó ba nia oan sira han, ema sira ne’e negosiante hotu hanesan fa’an kanko loro-loron hodi hetan osan no hola fós, maibé ho Estadu Emerjénsia ne’e mak sira la fa’an ona osan mós laiha atu hola fós”,hatete Xefe Aldeia Licara-Poma Hudi laran, Antonio Manuel Soares ba JNDiário, Kuarta (22/04)iha nia rezidensia aldeia Licara-Poma Hudi laran.

Autoridade local nee hamonu matan ben, tamba nia simu komunidade informasaun ne’ebé halerik no hamlaha,lor-loron iha periodu Estadu Emerjénsia,faze dauluk nian.

Nu’udar autoridade lokál husu Governu atu fahe ai-han ba Komunidade, wanhira atu estende tán Estadu Emerjénsia ba daruka nian.

Ho situasaun ne’ebé komunidade infrenta, Xefe Aldeia Licara-Poma Hudi laran ho Laloran, suku Bairopite nee haruka ona proposta ba Ministériu Solidaridade Sosiál no Inkluzaun, atu fó apoiu, maibé to’o ohin loron, seidauk iha resposta.

Xefe Aldeia Laloran,Cirilo Ribeiro da Costa, mós sente triste, wainhira haree  nia Komunidade infrenta hamlaha, tanba komunidade labele hala’o ativiade negósiu.

“Ami laran susar, wanhira haree ami nia Komunidade sira halerik no hamlaha konaba hahan, ami sei diak, tamba ami fulan-fulan sei simu netik sem dolar hodi hola netik fós ba ami nia fen no oan, mas komunidade sira kuitadu”, dehan aldeia nee ho triste.

Nia esplika, antes Estadu Merjénsia Komunidade hirak ne’e, hala’o negósiu hanesan fa’an modo hodi sosa ai-han, maibé despois Estadu deside vigora Estadu Emerjénsia negosiante sira ne’e, hela deit iha uma, no labele fa’an ona sasan.

Total xefe familía iha aldeia Licara-Poma Hudi laran  hamutuk 257, no total populasaun ema nain 1411. No xefe familía iha aldeia  Laloran hamutuk 180 no total populasaun iha ema nain 609.Tos


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker