GMN TV Capital Estadu kondekora doutór Daniel Murphy ho medalla Orden Timor - Leste

Estadu kondekora doutór Daniel Murphy ho medalla Orden Timor - Leste

0 views

Estadu Timor-Leste, kondekora doutór Daniel John Murphy ho títulu póstumu, Medalla Orden Timor-Leste, tuir dekretu Prezidente Repúblika nú 31/2020, nebe fó sai iha loron 16 Abril.

Ohin,(Horseik,red) Estadu no nasaun tomak fó rekoñesimentu no valorizasaun, liu husi kondekorasaun medalla Orden Timor-Leste, ba knaar importante hirak ne’ebé mak doutór Daniel Murphy hala’o tiha ona.

Orden Timor-Leste mai husi dekretu-Lei númeru 20/2009, loron 6 fulan Maiu, atu rekoñese ema estranjeiru ka sidadaun nasionál, ne’ebé mak liu husi sira-nia atividade profisionál, sosiál ka asaun espontanea ne’ebé nakonu ho korajen, fó ona kontributu bo’ot ba Timor-Leste, ba Timor-oan ka ba umanidade.

Prezidente Repúblika, liu husi proposta Konsellu Agrasiamentu no Orden Onorífika nian, ne’ebé harii liu husi dekretu Prezidente Repúblika nú13/2013, loron 24 Jullu, no bazeia ba kompeténsia ne’ebé temi iha alínea j).

Husi artigu 85 Konstituisaun Repúblika Demokrátika Timor-Leste, konjuga ho artigu 2, ho artigu 4, nú1, no mós ho artigu 5, alínea a), husi Dekretu-Lei nú 20/2009, loron 6 fulan Maiu, dekreta,

Kondekorasaun ba doutór Daniel John Murphy ho Medalla Orden Timor-Leste ne’e, bazeia ba dekretu ne’ebé fó sai husi Prezidénsia Repúblika, hateten, uluk iha tempu susar durante prosesu luta ba ukun-an, ema estranjeiru oin-oin mak fó kontributu ba ita-nia luta liu husi dalan oi-oin.

Ohin  loron, iha prosesu dezenvolvimentu nasional, ema estranjeiru oin-oin mos fo sira-nia kontribuisaun mai Timor-Leste iha setór oin-oin.

Ema estranjeiru ida ne’ebé hahú kedas husi tinan 1998, mai hela iha Timor-Leste no hala’o ninia knaar iha setór saúde mak ita-nia amigu bo’ot doutór Daniel John Murphy.

Amigo matebian ida-ne’e ninia obra bo’ot ida ne’ebé mak fó ona tulun ba ema rihun ba rihun iha ita-nia rain ne’e mak Klínika Bairro Pité.

Doutór Daniel Murphy halo serbisu ho badinas nafatin hodi fó tulun ba ema moras rihun ba rihun durante ne’e. La’ós de’it fó tulun liu husi tratamentu no ai-moruk iha ita-nia rai laran, doutór  ne’e mós ajuda ona ema oin-oin ba halo tratamentu iha rai liur, bainhira laiha posibilidade atu halo tratamentu iha rai laran.

 Klínika Bairro Pité sai fatin mahon ba ema sira ne’ebé halerik tanba hetan moras iha sira-nia isin-lolon. Klínika ne’e nuu’dar marka ida husi obra bo’ot ida ne’ebé mak ema estranjeiru ne’e hatudu ona ho determinasaun bo’ot.

Maske hasoru susar oin-oin, doutór ne’e kontinua halo esforsu hodi buka dalan oin-oin atu nune’e Klínika ne’e bele eziste nafatin.

Hotu-hotu iha devér atu rekoñese no valoriza dedikasaun no kontributu bo’ot hirak ne’ebé mak sidadaun estranjeiru ne’e hatudu ona mai ita hotu durante nia moris iha Timor-Leste (TL).JN- Diário.


Banner

Foto

Notisia Ikus

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...

PPN Aniceto: Sosiedade sivíl la hatene lei, “lalika koalia”

September 15, 2021
Prezidente Parlamentu Nasionál (PPN), Aniceto G...

Ohin, funsionáriu 14 aranka ba Dubai

September 14, 2021
Funsionáriu pavilaun 14 sei aranka uluk ba Duba...

OJE 2021 aloka ba MEJD laiha rezultadu

September 14, 2021
Komisaun G Parlamentu Nasional ne’ebé trata a...
1 2 3 638

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker