GMN TV Capital Kobransa ilegal ba komunidade, PAMD ameasa prosesa autoridade lokal ba MP

Kobransa ilegal ba komunidade, PAMD ameasa prosesa autoridade lokal ba MP

0 views

Prezidente Autoridade Munisípiu Díli (PAMD), Gaspar Soares, konsidera autoridade lokal ne’ebé halo kobransa ba komunidade kada uma kain ne’e ilegal, tamba ne’e husu atu autoridade lokal sira hapara asaun ne’e.

Bainhira autoridade lokal sira kontinua halo asaun ne’e, prezidente autoridade munisípiu Díli, sei prosesa liu dalan Justisa liu-liu ba Ministeriu Públiku (MP).

“Xefi suku sira ne’ebé mak agora dadaun halo hela aktividade, levantamentu de dadus no aat liu tan mak, halo kobransa ba komunidade, tamba ne’e liu husi oportunidade ida ne’e, ha’u hateten ba amu liurai xefi suku no aldeia katak, lei la fó dalan atu halo kualker kobransa ba komunidade,” afirma, Prezidente Autoridade Munsípiu Díli, Gaspar Soares, ba GMN iha Jardim Bebora Díli, Sabado (18/04/2020).

Gaspar esplika, tuir lolos fixa família ne’e, governu mak oferese ba iha postu administrativu, no pasa ba iha suku hodi halo atendimentu, labele iha kualker kobransa, ho osan dolar rua ba leten, relasiona ho fixa família ne’e, osan ba administrasaun ne’e laiha, tamba fixa família ne’e dokumentus nasaun nian.

Fixa família labele halo kopia halo barak, sein autorizasaun, tamba ne’e amu liurai sira atu halo buat ruma tenki sukat, ida ne’e ladun di’ak.

“Ha’u husu ba amu liurai sira, asiste entrevista ida ne’e, atu hapara kedas kualker kobransa ba komunidade tamba laiha baze legal, ha’u orienta ona administrador postu sira, hodi haruka sira para ona halo asaun ne’e, sé sira la para ha’u sei lori sira ba Ministeriu Públiku, balun dehan USD Sinku (5) balun dehan USD Déz (10) ha’u lamenta ho atetude hirak ne’e,” tenik, Gaspar Soares.

Gaspar hatutan, bainhira atu halo kobransa ba komunidade presiza iha baze legal, ate ohin loron seida’uk iha baze legal ida, hodi halo kobransa ba komunidade.

“Momentu sai iha média kona-ba autoridade lokal sira halo kobransa ilegal ba komunidade, ha’u orienta kedas administrador postu sira liu-liu, administrador postu Dom Aleixu, hodi hato’o ba xefi suku no aldeia ne’ebé halo aktividade ida ne’e, tenki para tamba laiha baze legal hodi halo, kualker kobransa ba komunidade,” aprofunda, Gaspar.

Prezidentie Autoridade ne’e akresenta, dadaun ne’e iha situasaun Estadu Emerjénsia, presiza aplika distansiamentu fiziku, tamba ne’e labele halibur malu liu husi na’in lima tuir lei hateten, saida mak akontese iha sede suku comoro no fatuhada, ne’e hatudu katak komunidade sira viola lei, no la respeita natureza husi EE, át liu tan mak halo kobransa ba komunidade.Cin


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker