GMN TV Capital Timor-oan nain 10 ne’ebé suspeitu ba COVID-19 he’in rezultadu teste

Timor-oan nain 10 ne’ebé suspeitu ba COVID-19 he’in rezultadu teste

0 views

Sentru Integradu Jestaun Krize ba COVID-19 iha Timor-Leste, fó sai rezultadu teste ba Timor-oan na’in 35 ne’ebé suspeitu ba Corona Virus Disease 2019 (COVID-19) na’in 24 Negativu, no na’in 10 hein rezultadu teste.

“Iha periodu hahu husi kedas governu halo preparatoriu hasoru pandemia ne’e to’o ohin meiudia, kazu ne’ebé suspeitu hamutuk 35, halo analiza nia rezultadu sei nafatin 1 mak pozitivu, sira ne’ebé negativu iha na’in 24, no ida ne’ebé provavel ou hein rezultadu analize iha na’in 10,”

Lia hirak ne’e hato’o husi, Porta Voz Sentru Integradu Jestaun Krize, Rui Maria Araújo, iha Centru Convençõens Díli (CCD), Kinta (02/04/2020).

Rezultadu teste ba nain 10 ne’e sei fó sai banhira Laboratorio Nasionál Saúde relata ona dadus ba ekipa sentru intergradu jestaun de risku no sei kontinua halo teste konfirmasaun iha Ospital Darwin Australia.

Mediku Timor-oan ne’e hatutan, dadus ne’ebé rekolla husi sistema vijilansia epidemolojika Ministériu  Saúde nian, hatudu katak, to’o ohin (horseik-red), tuku 12 OTL, sura hahú husi wainhira komisaun interministerial no komisaun teknika halo preparatorius, responde ba pandemia COVID-19.

Nia esplika, ema ne’ebé iha kuarentena, ka iha konfinamentu obrigatoriu tuir terminolojia ne’ebé dekretu governu númeru 3/2020 aprova iha oin 2, iha auto konfinamentu obrigatoriu ka halo kuarentena iha uma, iha munisipiu ema hamutuk 125, iha Díli 138.

Timor-oan ne’ebé halo kuarentena iha fatin ne’ebé prepara husi, Ministeriu Saúde, iha munisipiu ema hamutuk 71, no iha Díli ema hamutuk 701, husi sira ne’e la inklui sira ne’ebé liu ona, kuarentena loron 14, tantu iha uma ou iha fatin ne’ebé MS prepara.

Sira ne’ebé sai ona husi fatin halo kuarentena hamutuk 333, total Timor-oan ne’ebé halo ona kuarentena obrigatoriu ne’ebé oras ne’e dadaun iha, hamutuk 1.035 ema hirak ne’e mai husi nasaun afeitadu.

“Faktus seluk iha Timor-oan barak, ne’ebé sei tama husi fronteira maibé, liu husi dalan ilegal (jalan tikus), Sentru Integradu Jestaun Krize apela liu-liu ba lider komunitarius, bainhira hetan karik informasaun, husi komunidade ne’ebé mak foin fila husi nasaun ne’ebé afeitadu, halo favor kontaktu autoridade saúde no PNTL atu bele konvense sira, lori ba iha kuarentena ne’ebé governu prepara ona,” afirma, Rui Maria de Araújo.

Rui aprofunda liutan, importante tamba ita la hatene sira ne’ebé tama mai ne’e sintomas ka lae, ita la hatene sira lori virus ka lae, ba ita hotu nia seguransa diak liu lori sira ba, konfinamentu obrigatoriu atu nune’e iha observasaun diak husi profisionais saúde sira, se karik mosu sintomas, presiza halo analize.

Rui subliña liutan, medidas distansiamentu sosial, hanesan baibain ne’ebé governu apela fulan hira ne’e nia laran, mantein nafatin, hijene pesoal, keta haluhan fasi liman bebeik, no liman labele tau ba matan no inus, tamba ida ne’e mak ajuda ema hotu prevene moras COVID-19.

Ministeriu Saúde halo teste ne’e atu identifika virus ne’e la’os ho Rapyd Test maibé uza Polymerase Chain Reaction (PCR), izame teste ne’e atu identifika ain fatin jenetika husi virus ne’e.Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker