GMN TV Capital La hasa’e tarifa ba pasajeiru, motorista 010-011 “greve” kontra Governu

La hasa’e tarifa ba pasajeiru, motorista 010-011 “greve” kontra Governu

163 views

Mototrista mikrolete husi 010 no 011 iha Tersa (26/04/2022) hala’o asaun “greve” kontra Governu, tanba la hasa’e tarifa ba pasajeiru ne’ebé sa’e kareta mikrolete sira iha Díli-laran, tanba kareta sira halo operasaun ba munisípiu sira seluk tarifa sa’e tiha ona.

Ho asaun greve ne’ebé halo husi motorista sira ne’e, fó impaktu maka’as loos ba estudante sira, tanba sira la’o ain deit ba eskola.

Porta-Voz Motorista, Adelberto José. FOTO:GMN

Tuir motorista sira, folin kombustível hanesan gazolina antes ne’e litru ida 098 sentavos no agora sa’e ba USD 1.33 sentavus. Tanba ne’e  motorista sira ezije Governu liuhosi Diresaun Nasionál Transporte Terrestre (DNTT) , labele tur nonook deit, atu hasa’e tarifa transporte ba pasajeiru sira.

“Ami la  tula pasajeiru tanba agora folin mina ne’ebé mak sa’e maka’as no estudante sira mós sa’e kareta tuun selu de’it sentavus 15. Tanba ne’e ami husu ba DNTT atu hasa’e tafika ba estudante sira kada ema ida selu osan sentavus 20, tanba mina mos karun. Kareta sira halai ba foho ninia tarifa la hanesan tiha ona, sa’e, tanba saida mak iha Díli, sira la haree,” esplika Porta-Voz Motorista, Adelberto José, ba jornalista sira, iha Comoro, Díli.

Ho greve ne’ebé hala’o husi motorista sira fó impaktu ba estudante sira tenke hein kareta oras ba oras no balun la’o ain de’it hodi ba eskola no fila uma kontinua la’o ain nafatin.

João da Costa Pereira nu’udar estudante UNDIL, husu ba motorista sira atu kontinua hala’o fali sira-nia operasaun hodi tula estudante, no estudante sira prontu selu osan sentavus 20.

“Ami prontu selu osan sentavus 20 ba motorista sira, importante mak kareta sira hala’o fali movimentu hodi tula pasajeiru inklui ami estudante” dehan João da Costa Pereira.

Diretór DNTT, António da Costa, konfirma, DNTT sei la hasa’e tarifa mikrolete, tanba Governu iha ona planu atu fó subsídiu kombustível ba transporte públiku.

“Ha’u atu dehan de’it ba kolega xofer sira katak, agora dadauk ne’e ita labele hasae tabela hodi taka iha sira-nia kareta, tanba Governu iha ona planu atu fó subsídiu, ne’ebé agora ami servisu maka’as  halibur dadus kona-bá kareta ne’ebé hetan subsídiu  kombustível” afirma Diretór DNTT.

Transporte públiku, ne’ebé atu hetan subsídiu kombustível, kompostu husi bus, taxi no anguna inklui mikrolete hamutuk rihun tolu resin, maibé ho kritéria ida katak, dokumentu sira tenke válidu.avi


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker