GMN TV Capital PN dúvida kapasidade Deolindo dos Santos lidera TR

PN dúvida kapasidade Deolindo dos Santos lidera TR

0 views

Parlamentu Nasionál (PN) dúvida  ba kapasidade Juiz Deolindo dos Santos ne’ebé Prezidenti Repúblika, Taur Matan Ruak nomeia ba Presidente  Tribunal Rekursu (TR), tanba sei iha prosesu avalisaun husi inspektur judisial.

Prezidenti Komisaun A, ne’ebé trata asuntu leis no poder local, Carmelita Moniz hateten, nia hakfodak ho dezisaun Prezidenti Repúblika, Taur Matan Ruak nian, ne’ebé lalais tebes.

Nia hatutan, lato’o fulan ona, Prezidenti Repúblika atu ba assume ona kargu nu’udar Xefi Estadu Timor Leste, maibé derpenti Prezidenti Repúblika foti ona desizaun hanesan ne’e.

“Ha’u ko’alia tanba hanesan ne’e, agora dada’uk inspetur judicial na’in rua ne’ebé, Konsellu Superior Majisratura Judisial halo kontratu atu halo avaliasaun, ba juiz sira ne’ebé tinan hira nia laran ona lahetan avaliasaun,” dehan Carmelita.

Deputada bankda CNRT nian nee hatutan, avaliasaun ne’e, inspetur judicial sira sei halo uluk ba juiz na’in lima ne’ebé iha segunda klase atu pasa ba primeiru klase.

Presidente Komisaun A Parlamento Nasional nee husu ba Prezidenti Repúblika atu  aguarda lai ida ne’e, hodi hein to’o avaliasaun ne’e fulan oin hotu, inspetur judisial sira rekomenda mai Konsellu Superior Magisratura haree, mak foin sira hatu’un rekomendasaun ba Prezidenti Repúblika nomeia ema ida ne’ebé mak di’ak liu, entre juiz na’in lima ne’e.

“Agora ha’u la imajina, se avaliasaun ne’e mai mak juiz ida ne’ebé Prezidenti Repúblika nomeia ne’e nia nota sufisiente,  oinsa?. Tanba ne’e mak ha’u husu atu haree lai rezultadu avaliasaun, depois mak hili ida terbaik ne’e, ba tu’ur iha instituisaun ida importante ne’e,” dehan Carmelita Moniz

Nune’e mós deputadu Antoninho Bianco husi bankada FRETILIN hateten, to’o agora Parlamentu hatene katak, Prezidenti Tribunal Rekursu sei hein Prezidenti Repúblika eleitu mak foin nomeia, tanba Prezidenti Repúblika atual nia mandatu besik remata ona.

“Parlamentu seida’uk hatene katak, Prezidenti Tribunal Rekursu ne’e, hetan ona nomeasaun, tanba to’o agora ami seida’uk hatene. Tuir ami nia hatene katak, durante ne’e, ita iha prosesu avaliasaun ba juiz sira ne’ebé oras ne’e ezerse servisu,” katak Antoninho Bianco.

Eis Presidente Konsellu Ministru iha tempo governu FRETILIN nian nee dehan, avaliasaun servisu ne’e ho objetivu atu bele hatene katak, juiz sira agora ne’e ho klasifikasaun terseira klase, kuandu iha kapasidade bele sa’e ba segundu no primeira klase.

Nia esplika, juiz Timor oan sira ne’ebé mak agora dada’uk okupa segunda klase ne’e, iha juiz na’in lima, entaun avaliasaun ne’e, atu hili ida ne’eb’e mak di’ak liu mak Prezidenti Repúblika bele nomeia nia ba Prezidenti Tribunal Rekursu.

Antoninho Bianco dehan, atu deriji Tribunal Rekursu ho Supremu Tribunal Justisa, tenki ema ne’ebé kredivel, méritu no ema ne’ebé mak iha esperensia bo’ot.

“Ami iha esperansa bo’ot katak, prosesu ne’e di’ak liu hein inspetur sira halo avaliasaun, no aprezenta rezultadu avaliasaun ne’e ba Konsellu Superior Magisratura Judisial ne’e hodi haree, ida ne’ebé mak klasifikadu di’ak liu, bele rekomenda ba Prezidenti Repúblika ne’ebé mak atu mai, atu bele halo nomeasaun,” dehan Antoninho Bianco.

Nia haktuir, tuir lolos ne’e, Prezidenti Repúblika eleitu mak nomeia Prezidenti Tribunal Rekursu, tanba Prezidenti Repúblika atual ne’e, nia mandatu besik remata ona.

Tuir planu Presidensia  da Republika nian, serimonia tomada de posse ba Presidente Tribunal Rekursu nian sei halao iha Sesta 28, fulan Abril, ohin.   cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker