GMN TV Capital Padre Alberty : Autor baku óstia santisima monu moras mental

Padre Alberty : Autor baku óstia santisima monu moras mental

0 views

Padre Pároku  Igreja Santa Terezinha do Menino Jesus Bedois, Alberty Franco Morato, hatete autor baku monu ostia santisima iha misa Domingo (20/5) liu ba nee deskonfia moras mental.

Padre Pároku nee hatutan akontesimento ne´ebe akontese  iha primeira misa tuku 6:00 dader laiha relasaun ho isu terrorista, maibe iha ema ne´ebe deskonfia moras mental mak tama iha Igreja laran hakilar no baku ostia santisima ne´ebe Madre sira fo hela kominiaun monu namkari ba rai.

" Iha kantigu entrada hahu misa derpente deit ema ne´ebe deskonfia ho moras mental tanba iha igreja laran hakilar hodi halo sarani sira hakfodak," dehan sacerdote ba JNDiario, Tersa (21/05/2018) iha nia knar fatin Parokia Bedois.

Pároko Bedois haktuir katak antes atu hahu misa nia orienta seguransa iha igreja atu hakalma tiha ema ne´e, tanba nia hakilar makas los iha igreja laran hodi halo sarani sira ne´ebe tuir misa paníku oituan, no pior liu, tanba sarani sira hatene ona isu terrorista ne´ebe dehan atu tama mai Timor.

" Ida ne´e halo sarani sira hanoin katak akontesimento ne´e iha relasaun ho terrorismo, maibe laiha, tanba Señora ne´ebe mai hakilar ho kondisaun estres, tanba ninia oan Madre sira foti ba hakiak,  tanba deit Señora ninia fíziku alezadu no Señora ne´e mos deskonfia iha moras mental, entaun nia hakarak atu husu fila nia oan ne´ebe Madre sira foti ba hakiak, hodi halo nia hakilar iha igreja laran antes hahu misa," dehan Padre Pároku   Bedois Alberty Franco Morato.

Padre Albertin, dehan depois hakalma situasaun, iha komuniaun sira husi parte seguransa Igreja no Madre la haree entaun Señora ne´e ba komuniaun hodi baku Santismo Ostia ne´ebe iha siboriu monu hotu, no nia rasik ne´ebe fo komuniaun iha altar nia mos lahatene depois misa remata mak foin hatene.

Akontesimentu nee parte seguransa no eskuteriu hato´o kedas ba Polisia Nasional Timor-Leste (PNTL) estasaun Bekora hodi detein tiha Señora ne´e iha sela durante oras balun.

Konaba konaba rumores terorista ne´ebe dehan tama ona iha Timor, husi Bispo Dioseze Dili fo ona informasaun ba Padre Pároku hotu atu bele fo atensaun ba seguransa no eskuteriu sira iha Igreja atu bele matan moris bainhira haree ema oin foun tama iha igreja ou asiste misa.Fel


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker