GMN TV Capital Dioseze tolu seidauk deside selebrasaun misa normal iha EE

Dioseze tolu seidauk deside selebrasaun misa normal iha EE

0 views

Arse Bispu Metropolitanu, Dom Virgílio do Carmo da Silva, SDB, hatete hafoin Prezidente Repúblika, Francisco Guterres Lu Olo, estende tan Estadu Emerjénsia (EE) ho regulamentu ne’ebé ladun rigorozu, maibé Dioseze tolu iha Timor-leste seidauk iha desizaun kona-ba selebrasaun misa ho partisipasaun sarani sira nian, tanba pozisaun uma kreda nian sei akompaña nafatin situasaun COVID-19 iha Timor-Leste.

“Ami seidauk hala’o enkontru foti desizaun kona-ba selebrasaun misa hanesan normal iha períodu EE, maibé parte igreja nafatin akompañia covid-19 to’o normal hafoin bele realiza misa hanesan normal, dehan Arche Bispo Metropolitanu, Dom Virgílio do Carmo da Silva, SDB, ba JN-Diário Kuarta (06/05/2020) iha Bebora, Díli.

 Dom Virgílio, informa, maske laiha selebrasaun misa hanesan ho situasaun normal maibé hanesan Bispu iha esperansa katak, iha fulan Maiu hanesan fulan Rozáriu sarani hotu haka’as-an reza hodi husu tulun ba aman maromak, nune’e depois fulan oin atividade hotu iha igreja bele reativa bainhira situasaun COVID-19 la’o normal.

“Ami depende ba númeru COVID-19 ne’ebé iha, sekuandu governu haree katak, Timor-Leste bele halo kontrolu ba moras refere no bele loke fila-fali atividade sira ne’ebé antes estende provizóriu, mak hosi uma kreda mós deside sei reativa fila-fali misa, maibé iha tempu agora uma kreda seidauk iha desizaun no sei mantein ho ambiente ne’ebé la’o ona”haktuir Dom Virgílio.

Bispu Dioseze Díli ne’e, sente lakon sarani bainhira iha selebrasaun misa haree kadeira sira iha igreja laran mamuk, maibé tanba situasaun obriga, Bispu esforsu hatoman-an hodi sente katak, bainhira misa sei iha ema barak rona no partisipa maske iha sarani barak halerik tanba kostume ona  ba misa konfesa no komunga, maibé iha momentu ida ne’e sarani sira sente hamrok tebes ba hahán espiritual nian.

“ Ida ne’e sarani barak sente no hein hela no ida ne’e hanesan efeitu espiritual, ne’ebé primeiru ita bele sente no ami agradese tanba maske sarani sira labele ba misa direta, maibé sira bele asesu misa liu hosi media online hodi kontaktu no rona maromak nia lian hodi enkoraja nafatin sira, maibé bainhira la liu hosi media online  mak sarani sira nia fiar bele malirin”.

Maibé grasa maromak nian  hanesan Nai-lulik uma kreda louva nafatin sarani sira, tanba maske iha difikuldade oi-oin sarani tuir nafatin misa no reza tersu, entaun ida ne’e hatudu katak, fiar sarani iha tempu susar maka’as no metin liu tan.Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker