GMN TV Capital DNTT-PNTL reativa fali sirkulasaun transporte públiku

DNTT-PNTL reativa fali sirkulasaun transporte públiku

0 views

Atu reativa movimentasaun transporte públiku iha Díli laran no munisípiu 12, inklui Rejiaun Administrativa Espesial Oe-Cusse Ambeno (RAEOA), Diretór Jerál Diresaun Nasionál Transaporte Terrestre (DNTT), Natalino do Rosário, deklara, hahú husi loron 7, fulan Maiu, tinan ne’e, transporte públiku bele halo ona operasaun, hodi tula pasajeiru sira.

Maibé nia parte husu mós ba motorista sira tenke obedese nafatin ba regras ne’ebé estabelese ona durante Estadu Emerjénsia (EE), hodi prevene-an husi Corona Virus Disease 2019 (COVID-19).

“Agora dau-daun bazeia ba dekretu Governu númeru 08/2020/ 30 de Abril, tinan 2020, tuir artigu 21 kona-bá transporte koletivu pasajeiru ni’an, nune’e mós despaixu husi Ministru Transporte no Komunikasaun (MTK) númeru 01/Gab-MTK/V/2020 kona-bá reativa transporte públiku no regras prevensaun moras COVID-19 ni’an, tanba ne’e, MTK liu husi DNTT hamutuk ho PNTL, liu-liu komandu polísia munisípiu Díli, nune’e mós polísia tránzitu nasionál fó hatene ba públiku, liu-liu ba iha kondutór ka maluk kareta na’in transporte públiku hotu katak, hahú ohin loron 7, fulan Maiu, tinan 2020 ba oin transporte públiku hanesan bus, mikrolet, taxi no angguna bele halo sirkulasaun, hodi tula pasajeiru iha territóriu Timor laran tomak”, Diretór Jerál DNTT ne’e ba jornalista sira liu husi konferénsia imprensa ne’ebé hala’o iha komandu munisípiu Díli, Kinta (07-05-2020).

Entretantu komandante Polísia Nasionál Timor Leste (PNTL) munisípiu Díli, Superintendente Xefe, Armando Monteiro, hateten, parte seguransa nafatin hala’o vijilánsia hodi kontrola movimentu transporte públiku sira, wainhira la kumpre regras ne’ebé estabelese ona durante Estadu Emerjénsia (EE), PNTL sei foti medida tuir kódigu penál Timor-Leste ni’an.

“Wainhira ita-nia sidadaun viola ita-nia regra EE, ita sei kondena tuir ita-nia kódigu penál Timor-Leste desovidénsia ordem Estadu, ne’ebé ita sei hola medida polisiál ba ita-nia komunidade ne’ebé mak viola ita-nia regra, tanba lei ida ne’e PNTL obriga, hodi nune’e ita-nia komunidade sira kumpre no halo tuir”, dehan Komandante PNTL munisípiu Díli ne’e.

Entretantu reativa sirkulasaun transporte públiku ne’e, atu tulun mós motorista sira ne’ebé paradu durante EE bele hetan rendimentu natoon, hodi sustenta família. san


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker