GMN TV Capital Dom Virgílio: Sarani sira partisipa misa tenke kumpre regra

Dom Virgílio: Sarani sira partisipa misa tenke kumpre regra

0 views

Aresebispu Metropolitanu Díli, Dom Virgílio do Carmo da Silva, SDB, apela ba sarani sira katak, wainhira partisipa misa sarani sira tenke kumpre mós regra ne’ebé fó sai ona husi autoridade saúde, hodi evita propagasaun Corona Virus Disease 2019 (COVID-19) iha Timor-Leste.

Enkuantu antes ne’e, igreja Katólika suspende misa diária no dominikál, tanba Timor-Leste mós rejista kazu surtu COVID-19, maibé to’o agora suspeitu sira rekuperadu hotu ona no sei iha mós suspeitu balun mak iha kuarentena.

Maibé, iha loron 19, fulan ­Maiu ne’e, liu husi komunidadu pastorál, Konferénsia Episkopál Timorense deside ona atu retiva misa dominikál no diária, maibé nafatin respeita regra sira.

“Loos duni katak karakter Estadu Emerjénsia (EE) ni’an ami la kontra ida, ami la hasa’i buat ida, maibé hanesan ohin dehan katak misa, sarani sira ne’’ebé hakarak mai misa ona, maibé iha distánsia, por-ezemplu iha katedral misa la’ós iha igreja laran, misa iha liur, atu nune’e iha distánsia. Por enkuantu desizaun Konferénsia Episkopál foti tiha ona, ita la’o, depois ita akompaña situasaun, tanba sarani sira ho sira nia ansiedade ne’e ba sakramentu, entaun konferénsia deside atu hala’o misa, maibé nafatin hakru’uk ba karakter sira EE ni’an”, Aresebispu Metropolitanu Díli hato’o apelu ba sarani sira hafoin remata misa iha igreza Katedral-Díli, Domingu (24-05-2020).

Dom Virgílio, hateten, dau-daun ne’e Timor-Leste nafatin iha periódu EE no sei remata iha fin fulan Maiu, tanba ne’e igreja Katólika mós nafatin hein desizaun autoridade ni’an wainhira estende tan EE.

“Se la’o ba mak ita-nia kazu ne’e tama fila-fali hanesan uluk, ita hotu sempre prontu atu bele hala’o buat sira ne’ebé tuir regra ne’ebe iha, atu nune’e bele defende nafatin povu ida ne’e’’, tenik Dom Virgílio.

Informa m­ós fali katak, antes ne’e, Vatikanu mós deside ona hodi reativa gradualmente ordináriu igreja ni’an, maibé respeita nafatin protokolu ne’ebé organizasaun mundiál saúde fo sai ona. san

 


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker