GMN TV Capital Estadu estende tan EE implika vendedór ambulante nia sasán la folin

Estadu estende tan EE implika vendedór ambulante nia sasán la folin

0 views

Governu implementa Estadu Emerjénsia (EE), fó implikasaun bo’ot ba vendedór ambulante sira, tanba sasán ne’ebé mak sira fa’an la folin, ironia liu tan mak laiha kompradór hakat ba sosa sira nia sasán.

Implementasaun  Estadu Emerjénsia EE durante husi fulan marsu to’o agora, tanba sasán hirak ne’ebé sira faan laiha komprador atu sosa.

Tuir Vendedora, Inancia de Castro Alves, Estadu Emerjénsia ne’ebé Governu implementa husi fulan marsu to’o agora fó implikasaun ba vida negósiante sira, tanba ai-fuan hirak ne’ebé sira fa’an, laiha ema atu sosa, tanba ema hotu kumpri Estadu Emerjénsia hela iha uma, atu prevene husi pandemia COVID-19.

Inacia hatutan, rendimentu ne’ebé mak sira hetan kada loron tun liu kompara ho situasaun antes, maske sasán hirak ne’ebé faan laiha komprador atu sosa sira nia sasán, maibé obrigada kontinua faan, nune’e bele sustenta moris família ni’an kada loron.

“Estadu Emerjénsia halo fulan 3 ba ami ne’e sasán dodok de’it ami so’e ba sampah mak barak liu la hanesan uluk ne’e, uluk ne’e sasán folin netik ami sustenta ami nia-an bele, agora ne’e la’e, fulan 3 ne’e ami triste tebes tanba osan mós laiha ema mai hola sasán mós laiha ema mós la mai hola sasán,” dehan Negósiante, Inacia de Castro Alves, ba JN-Diáiro, iha Bidau Lecidere, Domingu (31/05).

Iha fatin hanesan, Negósiante, Júlio de Jesus mos lamenta, maske ho situasaun atuál ne’e, laiha ema atu sosa sira nia sasán, maibé obrigatoriu mantein halo negósiu, tanba bainhira la halo atividade negósiu laiha osan atu sustenta moris uma laran ni’an.

“Ami leba hela mais hanesan Estadu Emerjénsia ne’e halo ami ladun hakmatek ami sente hanesan faan hela maibé ema laiha osan atu sosa, halo ami loron ida leba hela hanesan mós ema la hola, Governu dehan katak USD100 ba komunidade, maibé osan ida ne’e estraga ami, bele mate mós osan ida ne’e nia folin laiha,” Júlio hatutan.

“Agora Díli laran mamuk hanesan ne’e ema hotu la hola ami nia sasán ami sente triste, povu ki’ik ne’e ami husu buat ne’ebé promete ba ami aban bainrua imi hili ami,ami sai ba tuur iha oin ami sei haree imi, buat ida liafuan dehan hisik kosar ba moris di’ak, hisik kosar atu mate tan mak iha povu ne’e mak sente nafatin hela”, lamenta, negosiante Júlio.

Ho situasaun ne’e, negósiante husu ba Governu, atu aselera lalais subsídiu USD 100 ba kada uma kain, ne’ebé Governu promete ona, nune’e komunidade sira bele sustenta moris família ni’an, durante situasaun atuál.

Enkuantu, apela mós la líder sira atu labele aproveita ho situasaun surtu COVID-19, hodi aproveita ho situasaun polítika, maibé atu tau atensaun ba situasaun atuál liu-liu surtu coronavírus ne’ebé sai ameasa ba populasaun nia vida iha Timor-Leste.Ina


Banner

Foto

Notisia Ikus

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...

PPN Aniceto: Sosiedade sivíl la hatene lei, “lalika koalia”

September 15, 2021
Prezidente Parlamentu Nasionál (PPN), Aniceto G...

Ohin, funsionáriu 14 aranka ba Dubai

September 14, 2021
Funsionáriu pavilaun 14 sei aranka uluk ba Duba...

OJE 2021 aloka ba MEJD laiha rezultadu

September 14, 2021
Komisaun G Parlamentu Nasional ne’ebé trata a...
1 2 3 638

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker