GMN TV Capital Hakotu dezorden polítika, Evanjellu mak matadalan interpreta konstituisaun

Hakotu dezorden polítika, Evanjellu mak matadalan interpreta konstituisaun

0 views

Arsebispu Metropolitana Díli, Dom Virgílio do Carmo da Silva, SDB, hateten, atu hakotu dezorden polítika ne’ebé dau-daun ne’e akontese iha Timor-Leste, sarani sira tenke uza evanjellu mak sai matadalan hodi interpreta konstituisaun RDTL ho loloos.

“Situasuan agora halo ema barak hamosu interpretasaun no refleksaun oin-oin, husi sientista sira mós fó sira-nia interpretasaun, inklui teólogu sira, nune’e iha parte ida ne’e igreja hanoin katak nu’udár sarani iha rai ida ne’e liga ho situasaun polítika rai laran, igreja konvida ema hotu hodi buka no haree to’ok nia kauza, la’ós hatudu liman, maibé atu haree ba ida-idak nia-an, karik dalaruma kontribui ba dezorden sira ne’ebé mosu husi dezorden lokál to’o ba mundiál. Ba sarani sira liu-liu Katóliku sira lia menon ida ne’e bele sai naroman mai ita, iha dezorden mundiál nia oin no impase polítiku prolongadu iha ita-nia rai laran, mai ita kaer evanjellu hodi lee hatene no hatene lee, atu hatene interpreta dezorden sira ne’e hotu, ba ita-nia situasaun polítika ohin loron presiza hatene lee konstituisaun atu hatene interpreta ita-nia dezorden polítika hodi hakotu dezorden”, Arsebispu Metropolitana Díli ne’e ba jornalista sira iha rezidénsia episkopal Dioseze Díli, Lecidere, Kuarta (27-05-2020).

Dom Virgílio hato’o deklarasaun ne’e relasiona ho karta pastorál ne’ebé hasa’i iha loron 26, fulan Maiu no iha karta refere husu ba sarani sira atu hatene lee no interpreta konstituisaun RDTL relasiona ho dezorden polítika no impase polítiku ne’ebé la’o iha rai laran.

“Partikularmente situasaun hanesan ne’e ita Timor nian wainhira fila-fali ba Galilea katak fiel ba Jesus nia pasu no referénsia loloos, koko atu lee no hatene le’e situasaun no hatene interpreta, dalaruma ita hatene ne’e, maibé koko lee tuir espíritu konstituisaun ni’an, atu nune’e bele hala’o tuir duni, dalaruma iha interpretasaun ne’e bele hamosu dezorden, karta ida ne’e konvite ita no ita hotu nu’udár sarani tenke le’e”, tenik Arsebispu Metropolitana Díli ne’e.

Entretantu dau-daun ne’e iha hela prosesu atu halo mudansa ba pozisaun membru Governu daualu ne’ebé lidera husi Primeiru Ministru (PM), Taur Matan Ruak. ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker