GMN TV Capital FONGTIL: Hapara atividade tersu ba dame la refleta ba dekretu Prezidente

FONGTIL: Hapara atividade tersu ba dame la refleta ba dekretu Prezidente

0 views

Forum Organizasaun Naun Governamental Timor-Leste (FONGTIL), hatete, intervensaun Polísia Nasional Timor-Leste (PNTL) hapara atividade tersu ba dame iha Jardin Nossa Senora de Fátima, Lecidere, iha loron 14, fulan ne’e, la refleta ona ba dekretu Prezidente Repúblika númeru 24/2021.

“FONGTIL nia haree intervensaun ne’e la a par ona ho baze legál iha dekretu Prezidente númeru 24/2021 29 de Abril artigu 6 númeru 1 alinéa F hatete, deklarasaun Estadu Emerjénsia labele afeta ba ema nia liberdade konsiénsia  no mós relijiaun”,dehan Koordenador Advokasia FONGTIL, Ivo Colimau Lay Costa, ba JN-Diário, Segunda (17/05/2021), iha Kaikoli, Díli.

Koordenadór Advokasia FONGTIL haktuir, kabe fali ba dekretu Governu númeru 14/2021 28 de Abril artigu 12 alinea A ho B hatete, komunidade sira bele halo atividade iha resintu públiku maibé tenke kumpri regra hanesan uza máskara ho distansiamentu sosiál no dekretu Governu refere bandu deit atividade ne’ebé labele halo durante Estadu Emerjénsia, ne’ebé hakerek iha artigu 18 no 19 hanesan suspensaun ba atividade ensinu no aprendizajen, suspensaun atividade feria no merkadu.

“Atividade kultura, liturjia relijiaun, matrimoniál no funerál atividade hirak ne’e la hakerek iha dekretu Governu, tanba ne’e bainhira atu halo buat ruma tenke bazeia ba baze legál, labele ba tuir ita-nia interpretasaun tanba ema hotu iha interpretasaun ba iha situasaun ida ne’e, tanba ita hotu tenke orientadu signifika tenke la’o tuir lei ne’ebé iha”, hatutan Ivo Colimau Lay Costa.

Nia esplika, haree ba realidade situasaun balun akontese maibé lahetan atensaun hosi parte kompetente, ezemplu, ema barak halibur malu hela iha Sentru Intergradu Jestaun Krize (SIJK) nia oin ne’ebé laiha distansiamentu sosiál hodi organiza ema hirak ne’e katak, halibur malu viola regra hosi Ministériu Saúde (MS).

“Labele lei ne’e kroat deit ba povu ki’ik ba parte seluk lei ne’e laiha nehan atu tata. Haree ba situasaun ida ne’e kabe fali ba Konstituisaun RDTL artigu 16 númeru 1 ho 2 hatete katak, ema hotu hanesan iha lei nia oin no mós iha direitu no devér hanesan”,dehan.

No artigu 16 númeru 2 mós hatete, labele halo diskriminasaun ba ema hodi haree ba rasa, lian, ídiolojia polítilka, Estadu sosiais no relijiaun no iha kazu ida ne’e PNTL la sala, tanba PNTL ezekutór no bainhira PNTL la halo ordem hosi Superior mak PNTL la obdese ba ordem hosi Superior no PNTL hala’o ordem mós interpretasaun públiku PNTL kontra fali povu tanba mai hosi povu, entaun PNTL iha klaran mai oin hasoru espada ba kotuk hasoru dima.

“Nai-ulun sir,a FONGTIL propoin katak, futuru elabora instrumentu legál ruma tenke bazeia de jure de faktu no asuntu rua ne’e tenke haree fali ba teoria tanba se Governu kompriende teoria ne’e mak Governu kompriende oinsa aplika regra tanba dekretu Governu kontradis ona ho dekretu Prezidente. Kulpa ne’e mai hosi Superior sira ne’ebé fó orden ba PNTL tanba Superior sira la intende diak situasaun”.haktuir.

Tanba ne’e, FONGTIL propoin ba Orgaun Ezekutivu bainhira atu produs instrumentu legál ruma estuda halo diak no ba Parlamentu Nasionál (PN) bainhira atu fó apresiasaun ka aprovasaun  ba proposta lei ka dekretu ruma mai hosi Governu tenke estuda halo diak molok halo aprovasaun, nune’e instrumentu legál sira labele prejudika fali povu nia atividade no movimentasaun diáriamente iha terrenu.Fel


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker