GMN TV Capital Pároku Comoro lori estatua haleu bairu-laran

Pároku Comoro lori estatua haleu bairu-laran

0 views

Loron Padroeira Parokia Nossa Senhora Auxiladora dos Cristão Comoro, Padre Pároku deside lori estatua tolu hodi reza tersu haleu área Comoro.

Padre Pároku Comoro, João Roque esplika atividade lori estatua nossa senhora hodi la’o haleu kada bairu iha área komoro, hodi hametin sarani sira nia fé iha ámbitu Pandemia Coronavírus, maske dadaun ne’e timor-leste laiha misa diária no dominikál hanesan iha tempu anterior.

Ho estatua Nossa Senhora nia prejensa iha kada bairu li-liu iha área beduku, maske loron manas sarani sira entusiamu hamrik iha dalan ninin hodi simu, reza, kari ai-funan, sunu lilin, ne’ebé konsege to’o sira nia le’et, maske nasaun no povu iha hela situasaun difisíl.

Observasaun GMN iha terenu hatudu, sarani balun mós tenke hamonu sira-nia matan-been ho nossa senhora nia prezensa no mós nossa senhora husik sira hodi fila hikas ba parokia Comoro.

“Ami hola inisiativa ha’u konvida ho padre na’in rua ami halo prosesaun ba bairu-bairu, prosesaun ba bairu-bairu no lori ita na’in feto estatua na’in feto ni’an vizita sarani sira, tanba sarani sira labele mai, entaun na’in feto mak ba hale’u bairu sira, padre, mária sousa nia hale’u área tasi-tolu, padre, matias pinto iha área betó, ha’u mak husi beduku mai iha sentru, atu nune’e bele kobre tomak na’in feto bele vizita tomak ninia oan sira, no atu bele ba haree sira, tanba husi kedas marsu to’o mai agora sarani sira labele halibur hamutuk, ho ida ne’e vizita na’in feto ni’an hametin liu tan fiar no devosaun ba nossa senhora”, dehan, Pároku Comoro, João Roque ba GMN iha Comoro, Segunda (24/05).

Padre ne’e relata, ho pandemia koronavírus ne’ebé halo atividade hotu paradu, maibé husu ba sarani sira atu nafatin reza, hodi proteje ema sarani hotu bele ultrapassa situasaun atuál.

Atividade lori Nossa Senhora haleu área Comoro hetan autorizasaun hosi Polísia Nasional Timor-Leste (PNTL), Sentru Integradu Jestaun Krize (SIJK) no mós Arse Bispu Arkedioseze Metropolitana Díli, Dom Virgílio do Carmo da Silva. SDB. Ina


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker