GMN TV Capital Maioria feto Timor okupa mikro negosiu

Maioria feto Timor okupa mikro negosiu

0 views

Prezidente Associação Emprezarial Mulher de Timor-Leste (AEMTL), Hergui Alves, deklara, maioria feto Timor-Leste inklina-an iha de’it mikro negosiu, tanba mane kontinua mantein pozisaun domina iha negosiu makro ka tender boot sira.

“Partisipasaun feto iha vida ekonomia husi negosiu ne’ebé maka rejistadu, iha 34% negosiu ne’ebé kompostu husi feto no ne’e ba negosiu sira ne’ebé nivel small no medium, maibé feto barak hala’i liu ba negosiu mikro ka negosiu uma laran nian (home industry), entaun negosiu sira ne’e la rejistu iha SERVE, tanba ne’e oras ne’e dau-dauk AEMTL dezenvolve hela ami-nia baze dadus para atu rejista hotu feto sira iha nivel nasional, liu-liu hahú husi ami-nia membru to’o feto sira membru munisípiu,” Prezidente AEMTL ne’e ba jornalista sira hafoin partisipa konferensia ho tema ‘Feto Forti Nasaun Forti’, iha auditoriu Ministériu Finansas, Aitarak Laran, Díli, Sesta (08-06-2018).

Nia esplika, partisipasaun feto bele hateten maioria sa’e liu iha área produtivu ne’ebé maka sustentavel ka ba iha investimentu kompara ho distribuisaun projetu, tanba maioria parte ida ne’e mane maka sei domina no oportunidade ba feto laduun, maibé feto komesa haree ona área produtivu ne’ebé maka sustentavel, katak sira hahú husi home industry.

“Hahú husi investimentu sira ne’e, feto sira sa’e nei-neik no feto balun ita haree katak iha kompaña dezenvolve to’o iha nivel medium no balun sai kompaña boot, ida ne’e progresu boot teb-tebes no sai motivasaun ba maluk feto seluk, katak ida bele, klaru que seluk mós bele, ida ne’e ami uza hanesan inspirasaun ba maluk feto sira hotu,” haktuir Hergui Alves.

Nia akresenta, espetativa AEMTL ninian ba oin bele implementa duni planu asaun no planu estratéjiku ne’ebé iha no bele halo duni mudansa iha landscape seitor privadu ninian, katak seitor privadu Timor-Leste tenki sai nain ba ekonómia nasaun no sei hamenus dependensia ba iha seitor públiku.

Membru AEMTL ne’ebé aktivu iha Díli laran, mais ou menus iha kompañia 50 iha Díli laran no tuir planu iha tempu badak sei halo expansaun iha 12 munisípiu, inklui Oe-Cusse no númeru membru non ativu iha munisípiu mais ou menus kompañia 100. Ves


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker