GMN TV Capital Komunidade Manleuana deskontente ho sistema pagamentu subsídiu

Komunidade Manleuana deskontente ho sistema pagamentu subsídiu

0 views

Komunidade iha suku Manleuana, lá sastifeitu ho sistema pagamentu Subsídiu ne’ebé fó sai husi Ministériu Solidariedade Sosial Inkluzaun (MSSI) no Ministériu Administrasaun Estatál (MAE), tanba sistema pagamentu lá tuir lista ne’ebé aprova ona husi Governu.

“Ha’u senti triste ho sistema pagamentu subsídiu, tamba tuir lolos MSSI ho MAE, atu fó subsídiu tenki bazeia ba lista ne’ebé mak fó sai ona, tamba estadu aprova lista ne’e dala ida, laos aprova dala rua tamba iha lista ne’e fó oin seluk,  maibé mai iha baze sira aplika sistema oin seluk, ho ida ne’e ha’u la satisfas ho sistema ida ne’e” dehan, reprezentante komunidade suku Manleuana, Geraldo de Jesus, iha sede suku manleuana, Tersa (09/06/2020).

Geraldo hatutan, hanesan autoridade hatene liu komunidade nia situasaun, tamba ne’e failansu husi Estadu, bainhira Estadu la promete entaun sistema mos la la’o hanesan ne’e, tamba komunidade sira mai forma ne’e, ejiji sira nia direitu tamba Estadu promete ona.

Iha fatin hanesan, Xefi suku Manleuana, Jacob Soares Tilman hateten, iha suku Manleuana aldeia 10 no ohin komunidade Aldeia Badiak hamutuk uma kain 225 mak simu uluk subsídiu, maibé autoridade lokál konfuzaun tamba programa ne’ebé antes ne’e suku Manleuana implementa ona, maibé la balansu ho programa ne’ebé fó sai husi MSSI.

“Ha’u simu formulariu iha postu administrativu Dom aleixo, mai fahe ba xefe Aldeia, hafoin distribui ba komunidade, hahu husi sira ne’ebé hela permanenti no sira ne’ebé hela temporariu ka hela iha kos,” haktuir, Xefe Suku Manleuana ne’e.

Jacob subliña ho ida ne’e, ohin (horseik-red), mosu dezentendimentu no parte MSSI to’o kedas iha Manleuana, atu esplika kona-ba sira komunidade ne’ebé hela iha kos, antes ne’e MSSI fó sai katak familia ne’ebé hela iha kos, bele simu subsídiu maibé liu minutu hira fó sai fali informasaun katak labele.

Xefe Suku ne’e afirma liutan, ida ne’e fó todan ba autoridade lokál, tamba antes ne’e, fó sai informasaun katak, familia ne’ebé hela iha kos bele asesu ba subsídiu, entaun komunidade hirak ne’e trata dokumentus hodi asesu ba subsídiu, ho ida ne’e naran iha lista ne’ebé aprova ona, maibé hafoin komunidade sira mai forma atu simu osan, MSSI mai fó fali informasaun katak labele.

“Tuir lolos MSSI fó sai informasaun antes, atu nune’e labele públika ema hirak ne’e nia naran ba públiku, ikus akontese nune’e komunidade sira deskonfia autoridade lokál mak manipula subsídiu ne’e,” preokupa Xefe Suku Jacob.

Nune’e mos, Vice Kordenadór Pagamentu Monitór Munisipiu Díli, Luis da Costa, husu ba autoridade lokál, atu labele fasilita komunidade ne’ebé mak iha eleitoral rua, tamba iha komunidade balun iha eleitoral rua, alende ne’e familia ida ne’ebé mak kazamentu no barlekeadu, autoridade lokál sira presiza fasilita hodi hetan subsídiu.

“Joventude ne’ebé mak hela iha kos, sei la hetan subsídiu tamba lei la fó dalan, bainhira xefe suku no xefe aldeia fasilita dokumentus, sira sei ba hatan iha becora, tamba depois de pagamentu sei halo verifikasaun ba dadus, tamba ne’e husu komunidade sira presiza iha koperasaun atu nune’e prosesu pagamentu bele lao, labele tamba subsídiu ba hela iha Becora no Glenu” afirma, Luis.Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker