GMN TV Capital PM komprometidu aselera vistu ba misionáriu sira

PM komprometidu aselera vistu ba misionáriu sira

0 views

Vigáriu Pastorál Dioseze Dili, Padre Juvito do Rêgo, haktuir, Primeiru Ministru (PM), Taur Matan Ruak, komprometidu atu aselera lalais vistu imigrasaun ba misionáriu sira ne’ebé servi hela povu iha Timor-Leste(TL).

Vigáriu Pastoral Dioseze Dili, Padre Juvito do Rêgo, afirma, asuntu kona-ba vistu imigrasaun ba misionáriu sira ne’e urjenti tamba misionariu sira ne’ebé mai servi povu iha Timor-Leste, la’os atu buka osan.

“Ami koalia ho PM kona-ba asuntu bilateral, foka liu ba vistu imigrasaun ba misionáriu sira, konkordata asina ona iha 2015 no iha 2016  hetan ona ratifikasaun husi Parlamentu Nasional tuir K-RDTL artigu 9 hateten, akordu internasional nia kategoria aas liu, no iha konkordata ne’e hateten, bainhira bispu hakerek surat mai husu, ba ministeriu kompotente atu fo vistu ba minsionáriu ida, ba longo prazu hodi hela iha TL,” afirma, Padre Juvito, iha Palásiu Governu, Segunda (01/06/2020).

Padre Juvito aprofunda liutan, antes ne’e koalia ona ho parte kompetenti hodi, rezolve vistu imigrasaun misionariu nian, maibé ne’e hein desizaun husi PM.

“Ha’u hasoru ona ho imigrasaun, no Ministru Interior, maibé Ministru Interior hateten labele foti desizaun mesak, tamba tenki iha mos asina husi PM, tamba ne’e parte juridiku husi PM nian seida’uk hatan, maibé PM koalia prontu aselera dokumentus ne’e lalais,” tenik, Padre Juvito.

Vigáriu Pastoral Dioseze Dili akresenta katak, Misionariu sira ne’e mai TL la’os atu buka osan, maibé mai atu servi ita nia maluk sira no povu, maibé kontextu ida ne’e komplikadu tamba ne’e ba oin haree deit PM nia intervensaun no ba jurista sira atu fó pareser tenki tuir ispiritu konkordata ninian.

Tuir Vigáriu Pastoral Dioseze Dili, subliña, Misionáriu barak mak hala’o servisu iha Timor-Leste, sira la’os mai buka osan atu fo ba sira nia familia, maibé mai atu fó án ba rai ida ne’e hodi servi iha area edukasaun, saude no fatin seluk.

Tamba ne’e kategoria ida ne’e presiza tama iha espesifika, maibé fó garantia ida ba uma kreda, maibé lei ne’e halo ba ema, ema mak halo ba lei ida ne’e la kompriende.

Iha fatin hanesan mós, Enkaregadu Negosiu Nunsiatura Apostólika iha Dili, Marco Sprizzi, hasoru malu ho Primeiru Ministru, Taur Matan Ruak, hodi koalia kona-ba asuntu billaterais no lori interese povu nian kona-ba paz, rekonsiliasaun no diálogu.

“Hanesan baibain enkontru husi representante husi Papa no Santa- Sé nian, enkontru amizade nian, ami hanesan amigo bo’ot Timor-Leste nian igreja sempre besik povu nian, entaun ami nia primeiro  preokupasaun sempre interese povo nian, interrese povo nian maka hanesan harmonia, paz, rekonsiliasaun, diálogo, iha país ida ne'e” dehan, Enkaregadu husi Negósiu Nunsiatura Apostólika iha Díli, Marco Sprizzi.

Reprezentante  husi Papa no Sante Sé iha TL ne’e afirma, koalia mós ho PM kona-ba asuntu bilateral sira seluk ne’ebé no simu nafatin akolhamentu ida diak teb-tebes, konkreta no operativa.

“Santa Sé iha Governu nia sorin, kualker Governu ida no kualker forsa polítika ida, ne’ebé servisu ba diak povu nian, ba ami, interese mak ida ne'e Estadu demokratiku kontinua funsiona nafatin,” hateten, reprezentante husi Papa no Sante Sé iha TL.Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker