GMN TV Capital Dom Virgílio sei ba tratamentu saúde iha Malázia, husu joven sira hametin paz

Dom Virgílio sei ba tratamentu saúde iha Malázia, husu joven sira hametin paz

164 views

Arsebispu Arkidioseze Metropolita Díli, Dom Virgílio do Carmo da Silva, SDB, sei ba hala’o tratamentu saúde iha Malázia, durante semana ida.

“Ha’u sei ba duni halo tratamentu iha liur, maibé tratamentu ruma ne’ebé regular hanesan tinan ida dala ida hodi halo konsulta jeral iha ospitál Malázia. Ha’u sei sai hosi Timor ba halo tratamentu iha Kinta agora no durante semana ida iha Malázia”, dehan Dom Virgílio do Carmo da Silva, SDB, ba jornalista sira, Segunda (20/06/2022), iha Kámara Ekleziastíka Metropolita, Bidau, Díli.

Dom Virgílio, esplika, tinan rua la halo tratamentu tanba COVID-19 nune’e oportunidade ida ne’e atu ba halo fali tratamentu no liga ho kna’ar foun molok ba simu pose, entaun ba halo uluk tratamentu.

“Durante tratamentu iha liur, ha’u kna’ar entrega hela ba Vigáriu Episkopál sira ne’ebé hanesan interina ne’ebé bele atende ba nessesidade uma-kreda nian”,dehan Dom Virgílio.

Arsebispu Arkidioseze Metropolita Díli, Dom Virgílio do Carmo da Silva, SDB, mos husu joven sira atu sai ajente transformadora ba paz no unidade hodi hamosu kultura foun.

“Ita haree Governu reativa fali arte-marsiais, no ida ne’e hatudu Governu fó fali fiar no iha Kapela no Parokia sira uma Kreda mós haree hodi fó fiar ba Joven sira, ne’ebé envolve iha grupu arte marsiais maibé importante mak fiar ne’ebé fó ona labele halakon fali fiar ne’e iha públiku”, dehan Dom Virgílio do Carmo da Silva, SDB.

Dom Virgílio esplika, fiar ne’e fó tanba hein joven sira ne’ebé hola parte iha Grupu Arte Marsiál (GAM) atu husik hela buat ne’ebé uluk sai hanesan istória lisaun ida no ba oin ho oportunidade ne’ebé Governu ho Uma-Kreda atu joven sira partisipa iha atividade Igreja fó ho fiar katak, joven sira mak sai ajente transformadora  hodi lori paz no unidade ho hahú kultura foun .

“Parlamentu Nasionál (PN), aprova dokumentu kona-ba, fraternidade umanu ne’ebé fo forsa katak, joven sira mesak maun-alin hodi haburas liu tan iha Sosiedade Katoliku nian  no tau ba kotuk buat sira Diferensa tanba haburas kultura maun alin tenke kaer metin”,haktuir Dom Virgílio.

Dom Virgílio subliña, maske reativa GAM hanesan dezafiu ida, maibé fiar katak,  bele lori mudansa bo’ot ba Timor bainhira responsável ba GAM no joven sira buka atu akompaña foinsa’e sira mantein paz iha sira nia moris. Fel

 


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker