GMN TV Capital [:tl]Família informa ba PR, Planu rekolla ruin saudozu Camacho[:]

[:tl]Família informa ba PR, Planu rekolla ruin saudozu Camacho[:]

0 views

Família husi saudozu Jaime Camacho, hasoru malu ho Prezidente Repúblika (PR), Francisco Guteres ‘Lu-Olo’, hodi koalia kona-ba planu família atu rekolla ruin Saudozu nian, no husu mos rekoñesimentu Estadu ba luta saudozu Jaime Camacho. 

“Ami husi reprezentante família koalia ho Prezidente Repúblika hodi informa ba Prezidente kona-ba planu família atu rekolla ruin Saudozu nian, alende ne’e rona mos orientasuan husi Prezidente,”dehan Reprezentante Família Saudozu Jaime Camacho, Virgílio Guteres, ba Jornalista sira Tersa iha Palasiu Prezidensial Bairo Pite-Dili,Tersa (24/07(2018).

Reprezentante Família haktuir, sira-nia objetivu prinsipal atu mai rona orientasaun husi Prezidente konaba rekolla ruin saudozu nian, no bainhira Prezidente fo ona orientasaun ne’ebé klaru mak família kontinua halo planu atu konkretiza prosesu  rekolla ruin saudozu nian iha Kintal Portugal, Aileu.

“Ami simu ona orientasaun husi Prezidente atu rekolla ruin saudozu nian, no ami mos fo ona planu no programa ba Prezidente bainhira mak ami foti ruin saudozu, ne’ebé iha tempu badak ami sei ajusta fali kalendáriu bainhira mak atu ba foti, no ami mos tenke halo aprosimasaun ho orgaun relevante sira hanesan Primeiru Ministru ,Ministériu Defeza tanba Saudozu mate hanesan Komandante, Komisaun Omenanjen no Ministériu Solidariedade Sosial,” dehan Reprezentante Família, Virgílio Guteres.

Virgílio, dehan planu hirak ne’e ami sei tau hamutuk no sei informa fali ba Prezidente, no sei asegura katak iha tinan ida nee nia laran sira bele rekolla ona ruin Saudozu nian. “Maibe dahuluk ami sei koalia ho Polisia Forensik atu ba kee, no tanba saudozu hakoi iha Aileu entaun sei konvida mos komunidade Aileu no Veteranos sira atu kombina tau iha neeba no mai iha Dili,Tanba saudozu ema Venelale entaun tenke ba to Venelale hodi halo ritual kultura Venelale nian, maibe karik Prezidente dehan hetan rekonhesimento husi Estado,entaun sei lori mai tau iha fatin ne’ebé Governu prepara,”dehan nia.

Iha fatin hanesan, sasin saudozu Julio Alfaro, hatete, saudozu Jaime Camacho nia knaar no kontribuisaun  ne’ebé nia halo iha durante rezistensia hahú iha tinan 1975 to’o 1999.

“Iha fulan Agusto tinan 1975 ami simu xamada husi Komando Militar atu mai fo instrusaun militar ba joven sira iha tempu ne’eba,  kuandu iha kontra golpe Joven barak mak  oferese an atu aprende kaer kilat hodi partisipa iha luta libertasaun, entaun ami mak fo instrusaun no saudozu hanesan primeiru komandante.”

Sasin Julio Alfaro, dehan, iha tempu ne’eba instrutor militar no komando militar indika sira atu fo treinu militar ba joven sira ne’ebé iha Dili laran, no sira ne’ebé laiha instrusaun militar, no sira ne’ebé iha foho, hotu-hotu halai mai iha Dili hodi aprende kaer kilat hodi partisipa iha luta libertasaun.Oly


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker