GMN TV Capital KADA TINAN, DIOSEZE HETAN OSP US$ 1.500 MILAUN

KADA TINAN, DIOSEZE HETAN OSP US$ 1.500 MILAUN

0 views

Koordenador Sosiedade Sivil Gabinete Primeiru  Ministru, Joaquim da Costa Freitas, hatete, hahú iha tinan 2008 to’o 2015, sempre hala’o transferensia Orsamentu Subvensaun Públika (OSP) ba kada Dioseze iha Timor laran, ho montane US$ 1.500 milaun kada tinan.

“Transferensia subvensaun públika ba  Igreja Katólika, liu husi Sosiedade Sivil Gabinete Primeiru Ministru hahú 2008 to’o 2015 kada Dioseze 1.500  miloens, so Dioseze Maliana mak foin hahú iha tinan 2010 ho transferensia primeriu 750 Dollares Amerikanu, depois iha tinan   2011 Dioseze Maliana hetan montante 1.500,”dehan Joaquim da Costa Freitas, ba jornalista GMN iha nia knaar fatin Palasiu Governu, Segunda (23/07/2018), bainhira husu kona-ba preokupasaun públiku nian kona-ba orsamentu ne’ebé atribui ba kada Dioseze.

Nia afirma, atribuisaun orsamentu ne’e maioria Dioseze gasta ba edukasaun, saúde, apoiu karitativu nune’e mos apoiu ba funsionamentu estrutura Dioseze nian,  apoiu sira ne’e tinan-tinan, Igreja liu husi Dioseze iha obrigasaun hatama relatóriu.

“Ami iha ne’e simu relatóriu no ami verifika sira-nia gastus sira ne’e hotu, antes atu halo fali transferensia iha tinan tuir mai, ne’ebé romoris iha liur katak Dioseze sira la hatama relatóriu, ne’e la los, no sira hatama hela, no se-se deit mak hakarak haree relatóriu sira ne’e ami prontu  atu hatudu,”hatutan Joaquim.

Nia akresenta, tama iha tinan 2016, US$ 1.500 miloens ne’e tinan-tinan aloka diretamente ne’e hapara, tamba iha  akordu kuadru ne’ebé mak halo entre Gabiente Primeiru Ministru ho konferensia episcopal atu  la aloka orsamentu refere husi Sosiedade Sivil, maibe orsamentu ne’e tau diretamente dotasaun tudo Governu, no transferesnsia mos bazeia ba akordu kuadru depois  sei iha tan  akordu anual ne’ebé mak Governu fo apoiu ba konferensia episcopal, depois koferensia episcopal mak   jere orsamentu  ne’ebé hetan apoiu husi transferensia  ne’e.

“Maibe Gabineti Sosiedade Sivil  kontinua hala’o atendimentu la’os ba Igreja Katólika deit, maibe ba mos Igreja Protestante, Hindu, no Musulmanu. Ida ne’e mak durante ne’e la’o, no ami kontinua tau atensaun mos ba obra sira ne’ebé  mak agora la’o hela to’o remata, hanesna Igreja Aimutin, Eskola Múzika, Igreja Natarbora no Igreja Zumalai, ne’ebé iha tempu badak sei inaugura. Gabiente Sosidedade Sivil la’os fo apoiu ba Igreja deit, maibe haree mos proposta mai husi insiativa ONG Timor Leste, atendimentu ba Konfisoens  Relijiozu, atendimentu ne’ebé hanesan mos ba ONG sira iha Munisípiu hotu-hotu,”esplika Joaquim.Oly


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker