Xefe suku Becora, António da Silva Soares, husu ba Ministériu Justisa (MJ), atu muda sai komunidade ne’ebé okupa resintu, eskola Herois da Pátria no uma temporáriu iha merkadu Becora.
“Ha'u apoiu Governu sentrál, liu-liu Ministériu Justisa (MJ) ho Sekretáriu Estadu Terras Propriedade (SETP) atu hasa’i komunidade okupante sira iha resintu eskola Herois da Patria no uma temporariu merkadu Becora, tamba fatin 2 ne’e prejudika prosesu aprendizajen no vida ameasadu, Komunidade sira ne’e eleitoral la'os suku Becora nian, maibé mai husi foho hotu”, dehan Xefe suku Becora, iha sede Suku Becora, Tersa (14/07/2020).
Xefe suku ne'e, esplika, razaun husu MJ liu husi SETP atu muda komunidade ne’ebé okupa iha resintu eskola Herois da Pátria, tamba prejudika prosesu aprendizajen iha eskola.
Alénde muda mós okupante sira iha uma temporáriu eis Merkadu Becora, tanba komunidade ne’ebé hela iha fatin ne’e nia vida ameasadu, tanba wanhira tempu udan mota tuun ho velosidade boot.
Autoridade lokal ne'e rezeita informasaun ne’ebé espalla katak, Xefe suku no Xefe aldeia sira mak fasilita komunidade hodi okupa, resintu eskola Herois da Pátria no eis merkadu Becora.
“Ha'u la'os ema bulak ida hodi fasilita ema okupante sira hodi okupa resintu eskola no eis merkadu Becora, sa tan fó sira kos fali ne’e ami kontra lei, ami mak kaer hela lei kontra fali, tamba ne’e rai Estadu só selu ba Governu ka Estadu”, informa Antonio.
Total uma ka’in ne’ebé okupa resintu eskola Herois da Pátria xefe família 12 no iha eis merkadu Becora uma-kain besik 200. Tos
