GMN TV Capital Arquidioseze Díli sei loke Universidade Católica Timorense iha tinan ne’e

Arquidioseze Díli sei loke Universidade Católica Timorense iha tinan ne’e

Arquidioseze Díli entrega dokumentu padraun lisensiamentu ba Ministériu Ensinu Superior Siénsia no Kultura (MESSK) hodi husu atu loke Universidade Católica Timorense (UCT) iha Balide, Díli. Tanba tuir planu Arquidioseze Díli nian atu loke UCT iha tinan ida ne’e.

“Ohin ami mai entrega dokumentu hotu tuir padraun ne’ebé MESSK husu atu loke Universidade Católica Timorense”,dehan Arcebispo ba Arquidiocese  Metropolitana Díli, Dom Virgílio do Carmo da Silva SDB, ba Jornalista sira hafoin entrega dokumentu UCT nian ba MESSK, Sesta (16/07/2021) iha Kolmera, Díli.

Dom Virgílio hatete, Universidade ne’e la’os mehi no hakarak hosi nia, maibé planu ne’e mosu kedas iha dekada rua ba kotuk iha tempu Dom Carlos Filipe nian, ne’ebé forma ekipa ida hodi halo estudu viabilidade to’o Dom Alberto Ricardo nian, ne’ebé koko tau infraestrutura ruma, maibé depois la konsege tanba aman maromak bolu tiha.

“Ha’u agora atu ba ona tinan 6 haree katak, esforsu hotu ne’ebé sira halo hanoin katak tempu ona atu kumpri mehi ne’ebé ha’u nia predensor sira mehi atu tau iha realizasaun no ida ne’e forsa obriga ami Dioseze atu halo ba oin tanba forsa ne’e mai hosi baze rasik, iha ne’ebé komunidade no inan aman sira husu atu Bispo hanoin mós ida hodi loke Universidade Katólika”,afirma Dom Virgílio do Carmo.

Dom Virgílio hatutan, depois de tetu ekipa hakat mai Ministériu Ensinu Superior hodi entrega dokumentu hodi submete tuir prosesu ne’ebé Instituisaun tau ona no hein deit resposta no mehi Dioseze nian karik prosesu hotu la’o diak mak tinan ida ne’e sei abertura Universidade Católica.

“Kontéudu hosi dokumentu ne’e atu hatan ba iha kadernu no padraun lisensiamentu nian no nia prosesu baze item 11 ne’ebé durante ne’e ekipa koko responde ba pedidu hosi MESSK no dokumentu ne’e ohin hatama hotu ona. Universidade Católica Timorense, sei estabelese iha Díli iha Balide ne’ebé fatin iha Saun Jóse nian, no tuir rekezitus ne’ebé iha tenke hahú aula ho fakuldade 4 kompostu hosi fakuldade sosial 2 no exsata 2”,dehan.

Tanba ne’e, Universidade la hahú ho zero maibé hahú halo tranzisaun Institutu Siensia Relijioza (ISR) ne’ebé akreditadu no fó ona graduasaun ba estudante lubun ida, tanba ne’e Dioceze hakarak eleva liu tan ISR ba fali Universidade no iha fulan Outubru Universidade loke duni mak ISR iha ona mahon UCT nian”,esplika Arche Bispo.

Dom Virgílio hatutan, pursentu 80 infraestrutura iha ona tanba uma iha ona desde uluk no propriedade rai Dioceze nian rasik ne’ebé desde uluk termina ona no konaba rekursu humanus ida ne’e responsabilidade Dioceze nian  no universidade ne’e intengra Fundasaun Saun Paulo Dioseze nian.

Diretora Jerál Ministériu Ensinu Superior Siénsia no Kultura, Maria Filomena Lay Guterres, kritéria ba Dioseze atu loke Universidade mak tenke priense kriteria hanesan rekursus humanus infraestrutura kapasidade finanseira tanba kapasidade finanseira sei hare ba futuru Universidade no rekizitus ida tan mak terrenu tenke luan.

“Iha fulan Marsu liu ba ba universidade koordena ho ami hato’o katak, Dioseze Díli hanoin atu loke universidade Katolika iha ita nia rai no ami konkorda hosi entrega kadernu padraun lisensiamentu atu Dioceze hare no kompleta no ohin momentu oportuna ida ba MESSK simu dokumentu hosi futura universidade Katólika Timorense”,dehan nia.

Maria Filomena subliña, prosesu hotu ona no konaba rezultadu lais fulan 3 no kleur liu fulan 6 no atu dehan prosesu hotu iha kadernu padraun lisensiamentu kumpri ona mak karik nia prosesu ne’e lalais maka se lae tékniku sira tenke iha kolaborasaun di’ak entre parte rua atu aselera prosesu tuir futura universidade nia hakarak.Fel


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker