GMN TV Capital PR ho eis PM Alkatiri apoia karau rua ba komunidade islámiku

PR ho eis PM Alkatiri apoia karau rua ba komunidade islámiku

1 views

Prezidente Repúblika (PR), Francisco Guterres Lú Olo no Eis Primeiru Ministru (PM), Mari Bin Amude Alkatiri, apoia karau rua ba komunidade Islámiku Timorense hodi komemora loron Idul Adha, iha Tersa 20 Jullu.

Karau rua ne’e, Prezidente Repúblika apoia ida no ida fó hosi eis Primeiru Ministru Mari Alkatiri iha Segunda (19/07) dadersan iha Masjid Annur Kampung Alor, Díli.

Vise Prezidente Konsellu Nasionál Islámiku Timor-Leste, Abdullah Inacio António Soares, ba JNDiário iha Masjid Annur Kampo Alor, hatete, selebrasaun loron Idul Adha ba tinan ne’e sira halo ho simplis deit, tanba pademia COVID-19.

“Ita ho kondisaun COVID-19 hela ne’ebé ami halo simples de’it, aban tama loron ami halo reza hotu tiha, ami distribui hewan kurban ba komunidade islámiku sira, karau ne’e Prezidente Repúblika apoiu ida, sua eselensia Alkatiri apoiu ida no apoiu husi komunidade islámiku rasik ne’ebé husi Indonézia, Malaysia, Bangladesh, karau ne’e oho sei fahe balun ba komunidade kbi’it laek sira, hametin fiar ho laran ba ita nia Maromak no mos profeta Muhamad”,esplika Vise Prezidente Konsellu Nasionál Islámiku Timor-Leste.

Abdullah Inacio António Soares, hatutan, komunidade islámiku sei komemora loron Idul Adha tinan 1442 hizriah, iha Tersa ne’e, ho simplis de’it, tamba munisípiu Díli sei iha hela Serka Sanitária.

“Ami komunidade islámiku sei reza de’it iha Masjid Annur, hafoin oho karau hodi fahe ba komunidade islámiku kbi’it laek sira inklui ho komunidade katólika balu”,dehan Adbdullah Inacio António.

Selebrasaun loron boot musulmanu Idul Adha ba tinan ne’e sei iha hewan kurban (oho karau) 15 ne’ebé dadaun ne’e prepara hela iha Masjid Annur. Karaun hirak ne’e apoa hosi Prezidente Republika no eis Primeiru Ministru Mari Alkatiri no komunidade islámiku sira seluk. Karau sira ne’e sei oho hodi fahe ba komunidade islámiku kbitlaek sira hafoin orasaun.Tos


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker