GMN TV Capital IMPASE POLÍTIKU, IGREJA KATÓLIKA AKOMPAÑA HUSI LIUR

IMPASE POLÍTIKU, IGREJA KATÓLIKA AKOMPAÑA HUSI LIUR

0 views

Bispu Dioseze Díli, Baucau no Maliana, Kuarta (1/8/18), hasoru malu ho Primeiru Ministru (PM), Taur Matan Ruak, iha Palásiu Governu hodi fo apresiasaun. Iha sorumutu ne’e mos Bispu sira aprezenta, Igreja Katólika nia komprimentu ba VIII Governu hodi akompaña husi liur.

Hafoin enkontru, Prezidenti Konferensia Episkopal Timor-Leste, no Bispu Dioseze Baucau, Dom Basílio do Nascimento, ba jornalista sira hateten, esperansa igreja Katólika Timor-Leste nian ba VIII Governu ne’e mak, susesu ba mandatu durante tinan lima.

Kona-ba impase polítika ne’ebé dadaun ne’e la’o entre Governu ho Prezidenti Repúblika, liu-liu kona ba membru Governu balun ne’ebé sei pendenti hela, Dom Basílio do Nascimento dehan, Igreja akompaña hela polítika ida ne’e.

“Ida ne’e la’os Bispu sira nia urusan, ida ne’e Governu ho Prezidenti Repúblika, mak halo diálogu ba malu, ida-ida iha nia argumentu no razaun,”katak Dom Basílio ba jornalista sira iha Palasiu Governu, Kuarta (01/08).

Nia hatutan, Timor-oan hotu dadaun ne’e akompaña hela situasaun polítika ida ne’e, no espera katak, Prezidenti Repúblika no Governu bele hetan lalais solusaun.

“Buat ne’ebé ami hanesan  Bispu dehan ba Primeiru Ministru katak, buat hirak ne’e ami akompaña husi liur, pois buat ne’ebé ita labele halo, tau iha Maromak nia liman,” dehan Dom Basílio.

Bispu Dioseze Díli, Dom Basílio do Nascimento, Dom Virgílio do Carmo da Silva, Dom Norberto do Amaral, hasoru malu ho Primeiru Ministru (PM), Taur Matan Ruak, tamba situasaun foun, Governu foun, dezafiu foun.

“Ami mai aprezenta komprimentu kortejia ba Primeiru Ministru, tanba kontestu foun, situasaun foun, Governu foun, dezafiu foun, no responsavel sira mós foun, ne’e duni ami mai aprezenta komprimentu kortejia, no Primeiru Ministru hola dedika reja atu partilla oitoan buat ne’ebé mak Primeiru Ministru hanoin, ba nia Governu no esperansa ninian,”informa Dom Basílio do Nascimento.

Dom Basílio dehan, esperansa Bispu Dioseze tolu ne’e ba VIII Governu ne’e mak, susesu ba mandatu durante tinan lima.

“Esperansa ne’e ita hein katak, ita ema Maromak fó kakutak, Maromak fó matenek no kapasidade, atu iha situasaun sira ne’ebé mak ita hasoru difikuldade, ita rasik buka ho ita-nia kapasidade atu rezolve problema hirak ne’ebé mai. La’os novidade ba ita katak, situasaun agora foun, mudansa mentalidade mós sai dezafiu ida,”katak Dom Basílio.

Tuir Dom Basílio, VIII Governu ne’e mós sei aproveita tempu hodi halo diagnóstiku ba situasaun atual, hodi hatene oinsa mak bele hetan resposta ba dezafiu hirak ne’ebé mosu.

“Ita hotu hatene katak, Primeiru Ministru maske foun hanesan Primeiru Ministru, maibé iha esperiensia, koñese Timor, tanba uluk hanesan Komandante iha ailaran, nia koñese estratejia luta nian, ukun aan tiha, hanesan Xefi Estadu Maior, no hanesan Prezidenti Repúblika, iha koñesimentu kona ba nasaun, agora hanesan Primeiru Minstru, mai koñese sasan nivel Governu nian,”relata Dom Basílio.cos


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker