Vise Ministru Óbras Públikas, Nicolau Lino Freitas, Kuarta -feira nee hala’o vizita kortezia, ba ponte Comoro tres (3), hodi haree besil liu tan konstrusaun ponte nebe lokaliza iha Fomentu, Díli.
Ponte Comoro tres , hahú nia konstrusaun iha tinan 2016, ho padraun internasional, tuir kontratu entre Governu Timor-Leste ho kompañia atu finaliza iha fulan Jullu tinan ida ne’e.
Óbra ne’e finansia husi Governu Japaun , ho total orsamentu 16 Millaun no, responsabiliza husi kompañia internasional , Tobisima Japaun.
Progresu óbra ne’e atinji ona 98%, no tuir planu konstrusaun ne’e tenki remata iha fulan Jullu no sei inaugura iha fulan Agustu ne’e nia laran.
Hafoin inspensaun, Vise Ministru Óbras Públikas Nicolau Lino Freitas hatete katak óbra ne’e kualidade, tamba ninia supervizaun no material mai direta husi Japaun.
Nia hatutan objetivu husi óbra ne’e, atu dezenvolve atividade ekonómiku iha Díli ,urbana no bele reduz tráfiku iha kapital Díli.tos
