GMN TV Capital PR PROMETE APOIA CECRD NO CETL

PR PROMETE APOIA CECRD NO CETL

0 views

Prezidente Repúblika (PR), Francisco Guterres ‘Lu-Olo’, promete sei fo apoiu ba Corpos Escuteiros Católica Regional Díli (CECRD) partikularmente no Corpos Escuteiro Timor-Leste (CETL) enjeral, tanba joven eskuteiru sira mak kontinuador ondra joven asuwain sira ne’ebé mak lakon sira-nia vida ba ukun rasin-an.

"Nu’udar Timor-oan no Prezidente Repúblika, ha’u apresia tebes ho CETL nia prinsipiu organizador no joven eskuteiru sira, laran haksolok bainhira simu konvite husi CETL atu loke akampamentu ida ne'e ho prezensa eskuteiru besik 1000 resin, ha’u simu diresaun CETL, no iha loron ne'e ha’u deklara katak, ha’u apoiu CETL, maibe ha’u labele mai rasik tanba ha’u iha kompromisu Estadu nian atu halo, tanba ne'e ha’u labele mai, tanba labele mai rasik ha’u hato'o mensajen badak ne'e hodi afirma dala ida tan ha’u-nia apoiu ba CETL,"Francisco de Vasconselhos hato’o mensajen PR, Francisco Guterres ‘Lu-Olo’ ba eskuteiru sira iha Motael, Díli, Kuarta (8/8/2018).

Iha fatin hanesan, Bispu Dioseze Díli, Dom Virgílio do Carmo da Silva SDB, akresenta, Corpos Escuteiro Católica nu’udar uma mahon ida ne’ebé joven sira hotu sei halibur hamutuk hodi tuir formasaun ne’ebé mak dinámiku ho nia karakter ne’ebé mak diferente iha eskola.

"Uluk nainain ha’u-nia apresisaun no parabens ba responsavel sira tanba iha hanoin diak ida ne'e hodi halibur eskutador sira hodi mai halibur iha fatin ida ne'e maske oras ne'e dadauk ita boot sira iha tempu ferias, maibe ita boot sira uza tempu ferias ida ne'e hodi tau importansia ba aktividade ida ne'e hodi mai iha ne'e, signifika katak ita boot sira sente atividade ida ne'e nu’udar atividade ida ne’ebé importante iha ita boot sira-nia vida moris joven nian ne’ebé iha família eskuteiru ida ne'e hanesan uma mahon ida, família ida ne’ebé ita boot sira mai halibur hodi aprende formasaun ne’ebé mak mais dinámiku diferensaa ho formasaun ne’ebé mak ita boot sira hetan iha eskola nomos iha família,"dehan Dom Virgílio.

Entertantu Sekretariu Estadu Juventude no Desportu, Nelio Sarmento Isaac, afirma, nu’udar sidadaun nasaun foun ne’ebé mak foin hetan ukun rasik-an ho impase polítika ne’ebé mak ladauk hotu, presiza joven ida ne’ebé mak kaer espiritu joven uluk nian ne’ebé mak luta ba ukun rasik-an iha tinan hirak liu ba.

"Ha’u hakarak lori ita ba intende didiak oinsa mak papel joven sira iha Estadu ka iha nasaun ida ne’ebé ohin loron ita ukun-an, iha situasaun ida hanesan agora dadauk ne'e presiza joven ida ne’ebé mak iha karakter ne’ebé mak atu priense ita-nia ukun-an ida ne'e, kaer ba espiritu luta ba joven sira uluk nian, suli mai ita ense ba ita-nia independensia,"afirma Nelio Isaac.

Partisipa iha seremonia abertura akampamentu Corpos Escuteiros Católica Regional Dili ne'e, Bispu Dioseze Dili, Dom Virgílio do Carmo SDB, Sekretáriu Estadu Juventude no Desportu, Nelio Isaac Sarmento, Diretor Jeral Ministériu Edukasaun, eis Ministru Saúde, Rui de Araújo, eis Ministra Solidariedade Sosial, Florentina Smith no funsionariu sira SEJD. Total eskuteiru ne’ebé mak partisipa iha atividade akampamentu ida ne'e hamutuk 1000 resin.Ola


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker