GMN TV Capital Selebra festa Ed ul-Adha, PR Lú Olo oferese karau ida ba musulmanu TL

Selebra festa Ed ul-Adha, PR Lú Olo oferese karau ida ba musulmanu TL

0 views

[:tl]

Prezidenti Republika (PR), Francisco Guterres “Lú Olo”, oferese karau vaka ida ba musulmanu Timor Leste hodi apoia selebrasaun festa Idul Adha, Kuarta (22/8/2018).

Komunidade musulmanu selebra sira nia loron boot ne’e ho ksolok hodi hasae sakrifisiu iha Mesquita An’nur, Kampun Alor, Dili, no oho animal sira hanesan karau ho bibi hodi fahe ba malu no fahe ba kbi’it laek sira.

Iha PR Lú Olo nia lia menon ne’ebe haktuir husiXefe Kaza Sivil Palacio Prezidensial, Francisco de Vasconselhos, katak, Prezidenti Republika orgulhu tanba sidadaun hotu- respeita tebes liberdade no toleransia relijiozu.

PR Lú Olo subliña katak, fiar no domin ba Maromak no ba Familia, belun sira ba ema hotu-hotu ho atensaun espesial ba ema vulneravel sira, tanba fiar no domin nudar prinsipius iha moris lor-loron nian.

“Nudar Xefe de Estadu ha’u kontente haree hotu-hotu respeita liberdade relijioza ne’ebe konsagra iha ita nia lei inan, iha artigu 45, relijiaun ki’ik ka boot iha liberdade hanesan atu pratika no hanorin,” hateten PR Lú Olo.

Lú Olo mensiona mos katak, Idul Adha fo hanoin ema hotu-hotu atu haree no sente mos problema kiak liu husi hahalok fahe na’án ba ema kbiit laek sira.

Husi jestu fahe na’an ba malu no ba kbi’it laek sira, tuir PR Lú Olo, bele fanun mos maluk sira seluk atu haree ba problema kiak nudar kauza nasional atu Timor oan hotu bele lori iha nia kabas.

Iha fatin hanesan, Xefi Fundaçaõ An-nur Mohamad Anwar da Costa, esklarese katak, sentidu profunda selebrasaun Idul Adha ne’e mak espritual nian reza hamutuk no espritu sosial nian katak sei fahee kurban ba povu sira.

“Iha demisaun rua ohin mak ita hala’o demisaun espritual ita reza hamutuk no aspeitu sosial hodi oho aninal sira hodi fahee ba maluk kbiit laek sira iha dili laran, aspeitu rua ne’e mak sai fundamentu iha selebrasaun ne’e,” hatete, Mohamad Anwar da Costa.

Iha Timor Leste  musulmanu sira selebra loron sakrifísiu ne’e, iha Meskita Anur Kampung Alor -Díli. Nudar espritu sakrifisiu profeita Abrão nian hatudu fiar no domin. Iha  selebrasaun ne’e musulmanu iha Timor Leste, ohó animal hanesan karau sanulu resin lima no bibi hamutuk lima nu’udar sakrifísiu komunidade musulmanu nian.

Momentu ne’e mos, Prezidenti  Republika Francisco Guterres Lu Olo ofrese mos karau baka ida ba musulmanu sira iha selebrasaun ne’e  hodi ohó no fahee ba povu kbiit la’ek sira. Eus

[:]


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker